Ms. fraper le myen

Disant à Dieu : « Père, je te renrlz grâces,

« Qui aux petis et à personnes basses

« As révélé tes trésors et secretz,

« Et aux sçavans, gentz doctes et discretz,

« Les as cachez : tel est ton bon plaisir. »

Lisant ce mot, soudain me vint saisir

Une clarté plaisante à veoir et belle,

Mais sa lumière et vertu estoit telle

Que l'œil charnel la trouva importable.

Pour estre trop luysante et agréable ;

Ce feu, par qui tout mal est consummé,

Pour mon œil cloz, ne fut moins alumé

Dedans mon cueur, qui luy estoit1 espris

Avant que l'œil l'eust conceu ne compris.

Et tout ainsy que fouldre ne s'arreste,

Sinon à ce qui contre elle s'appreste

De résister, brisant les os d'un corps

Sans que la chair en ayt marque au dehors,

Brullant l'espée et laissant le i'oureau,

En desprisant le foible, tendre et beau :

Ainsv ce feu en mon œil foible et tendre

Ne deigna pas si grand vertu entendre.

Mais, en passant oultre ce foible mur.

Vint en mon cueur trop plus qu'un rocher dur.

Qui contre luy voulut s'esvertuer

Ne se voulant pour riens laisser tuer. f»i. 303 v«no.

Bien longuement ceste lutte dura

Entre nous deux, dont mon cueur endura,