Ms. fut
LKS PRISONS DK LA HKINR I)K NAVAHRE
Par mainctc année et longue expérience,
Par ma in et tourment et maincte impassience.
Tant de douleurs, qu'à la fin se rendit,
Quand dans ce feu une voix entendit.
C'est ceste voix qui au buysson ardant
Fist au pasteur, qui estoit attendant,
De son sainct nom la vérité scavoir :
« Je suys qui suys qu'œil vivant ne peult veoir ».
Ceste voix là, ceste parolle vive,
Où nostre chair ne congnoist fondz ne rive,
Me print, tua et changea si soudain
Que je perdis mon cuyder faulx et vain
Car, en disant : « Je suys qui suys », tel maistre
M'aprint alors lequel estoit mon estre ;
S'il est qui Est, hors de luy je ne puys
Dire de moy sinon que je ne suys.
Si rien ne suis, las ! où est ma fiance,
Vertu, bonté et droicte conscience?
Or suis je riens, s'il est Celluy qui Kst?
Voylà comment quelquefoys j'estoys prest
De me vouloir aveques luy débattre.
Mais Vérité qui sçait Cuyder abattre.
Disant : « Je suys, » le mist à la renverse.
Comme avoit fait la cohorte perverse.
Ce mot : « Je suys qui parle aveques toy »
Gaigna le cueur par amour et par foy
De ceste là qui ne le voulut croyre.
Ne aussy peu donner de Peau à boire ; Fol. 304.
Mais quand ce mot en son cueur fist sentir,
Luy engendra ung ferme repentir.
Moy, travaillant à ce très par fond puys
De trop sçavoir, oyant dire : « Je suys »,
Et ensuyvant ceste Samaritaine,
Laissay mon seau aveques la fontaine,
Où tous les jours ne faisoys que puyser
Et ne povoys ma soif amenuyser ;
Quand ce mot là dans mon cueur fut venu,
Le Messias au vray y fut congneu,
Et d'autre part mon péché clerement,
Toute ma vie et mon gouvernement.
Mais pour avoir des vices congnoissancc
Cela n'est pas vraye resipicence,
Car le péché et le vice est si laid
Qu'en le voyant tel qu'il est, il desplaist.
Qui péché void sans masque ou faulx visaige
Le chassera bien tost de son couraige,
Car sa puante et orde vilennie
Le faict bannir de toute compaignye,
Tant qu'il n'y a ny larron ny meurtrier
Qui n'en voulust renoncer le mestier,
Si de plaisir ou prouflit couverture
Péché n'avoit pour couvrir sa laidure.
Mais le regret d'avoir poché commis
Pour à telz cas vilains estre soubzmis,
Ou bien le dueil d'avoir commis telz faictz
Pour estre mys au rang des imparfaictz,
En se cherchant et se voulant parfaire :
Ce desplaisir n'est pas le salutaire, Fol. 304 rerso
Pour ce qu'il veult de nostre terre impure
Dont il ne peult saillir que toute ordure.
LES PRISONS DE LA H Kl NE DE NAVAHRK 205
Mais ce beau mot, qui procède d'en hault,
Venant en nous monstre nostre deflault
Aussy à clair qu'ung livre où chacun lit,
Et le monstrant aussitost l'abolit ;
Et de là vient vraye contrition
Quand on sent bien ceste abolition ;
Ce mot : « Je suys qui les péchez pardonne »
Plus de regret par amour au cueur donne
Que du péché la honte ou le malheur,
Nv de l'enfer l'éternelle douleur.
Amour luy fait oublier sa deffaulte
Et de péché fait qu'à la grâce il saulte;
Et plus de grâce il se trouve asseuré,
Plus son péché il void desmesuré ;
Car qui n'a veu lumière lumineuse
Ne peult juger ténèbre ténébreuse,
Mais qui peult veoir lumière sans nuée
L'obscurité en clarté vovt muée.
Car la clarté à ténèbre est contraire :
L'une venant, l'autre convient retraire.
Péché au vray ne peult péché paroistre,
Si Dieu en soy ne le nous fait congnoistre ;
Péché en Dieu n'est pas, mais il s'y voit1,
Car, hors de Dieu où il est, nous déçoit,
Tant que nul œil ne le peult veoir en chair
Tel comme il est ; mais qui peult aprocher
Par vive foy dedans ceste lumière,
Il void péché, sa source et sa matière ; Fol. 305.
