Ms. Péché en Dieu ne nest pas

206 DKRX1KRKS POKS1KS l)K MAIICUKHlTK DE NAVARRE

Mais, quand tout tel comme il est il appert,

Ceste clarté qui le monstre, le pert.

Ce mot : « Je suvs » est de telle efficace,

Vertu, povoir et puyssanee et audace,

Qu'aux ennemys donne espouvantement

Et aux amys, au milieu du tourment,

Donne repoz, et les plus agittez

Dans ceste mer sont par ce mot jettez

Hors de péril, et menez au seur port.

Car ce mot là leur est force et support,

Rendant le cueur avec la mer tranquille.

Mot vertueux! O parolle gentille,

Qui par puyssanee ennemys faict tumber,

En relevant ceulx que voys succuniber ;

D'un mesme mot les faiz vivre et mourir,

Ung mesme mot peult blesser et guérir;

Ce mot : « Je suvs » ung amy ressuscite,

Et rennemv à cruelle mort cite.

Quand Joseph dist à ses frères : « Je suvs »,

Us furent tous en grande craincle induietz,

Car leur péché devant leurs yeulx revint,

Tant que nul d'eux ne sçeut lors qu'il devint,

Fors Benjamin, que1 ce mot consola.

Le plus petit voyant son frère là,

Frerc et amy il sentoit Joseph estre,

Mais l'œil des grans le voyoit juge et maistre :

L'un regardoit son frère sans contraincte,

Et de le veoir les autres avoient craincte.