M», aveques

Les homes rien que verges ne jugeoit ;

Car de la main de Dieu le coup venoit,

Lequel voyant, aux verges pardonnoit.

Sa grand prudence et son bon jugement

Fut bien congneu quand le gouvernement

De son royaulme elle seulle soustint,

Dont très grand bien au roy son filz advint :

Car, quand il fut de prison retourné,

Trouva le tout si très bien ordonné,

Le pays par tout, soit privé ou estrange,

Qu'il en donna a sa mère louange,

Et elle à Dieu, sachant qu'en foible main

Il avoit lait ung acte souverain.

Voyant son filz et ses filz revenuz

De la prison où tant furent tenuz,

Ce qu'elle avoit porté passiemment Fol. 337.

En son esprit, mais la peyne et tourment

Qu'elle endura rendit son corps deflaict,

Alors qu'elle eut son désir satisfaict,

Et ne fist plus que se diminuer

Et au salut de l'ame estudier ;

Tant que souvent seulle en son lict estant.

Ce qu'a ouy qui l'aloit escoutant,

Parloit à Dieu comme espouse à espoux,

Disant : « Seigneur, las ! pourquoi tardez vous?

n J'ai fait ça bas tout ce que j'ay peu faire,

« Je. ne suys plus au monde nécessaire :

« Plaise vous donc pour vostre m'advouer

« En me tirant à vous pour vous louer. »

Puys ses bienfaictz alloit ramentevant,

L'en merciant, mais c'estoit si souvent

Que son rideau n'estoit plus tost tyré

Que son esprit ne fust hault retyré.

Dedans son lict quatre heures s'enfermoit

Pour deviser à Celluy qu'elle aymoit ;

Et povoit on, en oyant ses souspirs,

Juger qu'à Dieu avoit mys ses désirs.

Le dernier jour venu, ceste princesse

Fist préparer devant elle la messe,

Et fist sa fille à la fin recevoir,

Ce qu'elle eust fait s'elle eust eu le povoir1.

Elle appella son père confesseur,

En lui disant : « Mon père, il est tout seur

« Que Dieu m'a fait l'honneur de m'appeller,

« Et de bon cueur je veulx à luy aller;

« Car s'il m'avoit donné la carte blanche Fol. 337 verso.

« Pour me passer ceste mortelle planche,

« Je n'eusse osé demander tant de biens

u Qu'il m'a donnez, que tous de luy je tiens,

« Et de ses dons et biens j'ay mal usé ;

« Mais mon péché ne peult estre excusé,

« Car de sa grâce et loy il m'a fait part,

« Et longuement, avant ce mien départ :

« Son filz m'a fait recevoir pour saulveur,

(c Par qui j'ay eu de luy toute faveur ;

« Tant qu'en luy seul de mon salut m'asseure,.

« Et que péché faisant en moy demeure,

« Et qui m'avoit damnation aquise,