TA ES

Quoyque maistre Jehan de Pailleu En voulsist dire et reliqua, Contraint, et en publique lieu, Honteusement s’en reuoca :

Maistre Jehan de Mehun s’en moqua :

De leur facon, si fist Mathieu...

Mais on doit honnourer ce qu’a Honnouré l’Eglise de Dieu.

Sy me soubzmetz leur seruiteur, En tout ce que puis faire et dire,

A les honnourer de bon cueur

Et seruir, sans y contredire.

L’homme bien fol est d’en mesdire, Car, soit à part, ou à prescher,

Ou ailleurs, il ne fault point dire :

Ses gens sont pour eulx reuencher.

Item, ie donne à frere Baude,:

Demourant en l’ostel des Carmes, Portant chiere hardie et baulde, Une salade et deux guysermes :

Que Detusta et ses gens d’armes Ne luy robent sa cage vert.

Viel est : s’il ne se rent aux armes, C’est bien le deable de Vauuert.

Item, pource que le Selleur Maint estront de mouche a masché,

. Donne, car homme est de valeur,

Son seau davantaige craché,

Et qu’il ait le pousse escaché, Pour tout emprendre à une voye :

J’entens celuy de l’Euesché,

Car des autres Dieu les pouruoie.

Quant des audicteurs messeigneurs, Leur granche ilz aront lambrossée, Et ceulx qui ont le cul roigneux Chascun une chaise percée.

Mais qu’à la petite Macée, D’Orleans, qui a ma sainture, L’amende soit bien hault tauxée :

Elle est une mauuaise ordure.

Item, donne à maistre François, Promecteur** de la vacquerie, Ung haut gorgerin d’Escossois, Toutesfois sans orphauerie,

Car, quant receut cheuallerie,

Il renya Dieu et Saint George:

Parler n’en oit, qui ne s’en rie, Comme enragé, à plaine gorge.

Item, à maistre Jehan Lorens, Qui a les poures yeulx si rouges Par le peché de ses parens, Qui burent en barriz et courges, Je donne l’enuers de mes bouges, Pour tous les matins les torcher :

” S'il fust arceuesque de Bourges, Du sendal eust, mais est trop chier.

noie

Item, à maistre Jehan Cothart, , Mon procureur en court d’Eglise, Deuoie enuoiïer ung patart

(A ceste heure ie m’en aduise),

Quant chicaner me fist Denise,

Disant que l’auoie mauldicte :

Pour son ame, qu’ès cieulx soit mise, Jay ceste oroison cy escripte.

Balade.

Pere Noé, qui plantastes la vigne,

Vous aussi, Loth, qui beustes au rochier :

Par tel party qu’amours les gens engigne,

De voz filles il vous fist approucher

(Pas ne le dy pour vous le reproucher), Archetriclin qui bien seustes cest art :

Touz trois vous pry que vous vueillés percher L’ame du bon feu maistre Jehan Cothart.

Il fut iadiz extraict de vostre ligne,

Luy qui buuoit du meilleur et plus chier, - Et ne deust-il auoir vaillant ung pigne, Certes sur touz estoit ung bon archier :

On ne lui seust pot des mains arracher, De bien boire ne fut onques fetart.

Nobles seigneurs, ne souffrez empescher L’ame du bon feu maistre Jehan Cothart.

Comme homme bon qui chancelle et trepigne, L’ay veu souuent, quand il s’alloit coucher,

Et une foiz il se fist une bigne.

Bien m'en souuient, à l’estal d’ung bouchier. Brief, on n’eust sceu en ce monde sercher Meilleur pion, pour boire tost ou tart.

Faictes entrer, quant vous orrés hucher,

L’ame du bon feu maistre Jehan Cothart.

Prince, il n’eust sceu iuc à terre ctacher; Tousiours crioit : Haro, la gorge m’art!

Et si ne sceut onc sa soif estancher, L’ame du bon feu maistre Jehan Cothart.

Item, vueil que Germain de Merle Desormais gouuerne mon change,

Car de changer enuiz me mesle, Pourueu que tousiours baïlle en change, Soit à priué, soit à estrange,

‘Pour trois escuz six brethes targes, Pour deux angeloz ung grant ange,

Car amans doiuent estre larges.

Item, j’ay sceu, en ce voyaige, Que mes troys poures orphelins Sont creuz et deuiennent en aage Et n’ont pas testes de belins,

Et qu’enfans d’icy à Salins

N’a mieulx sachans leur tour d’escole :

Or, par l’ordre des Mathelins,

Telle ieunesse n’est pas folle.

Sy vueil qu'ilz voisent à l’estude :

Où ? Sur maistre Pierre Richier.

Le Donnet est pour eulx trop rude :

. Jà ne les y vueil empescher.

Iz saront (ie l’ayme plus chier) :

Aue salus, tibi decus,

Sans plus grans lectres en sercher..….

Tousiours n’ont pas clers l’audessus.

Cecy estudient, et ho'

Plus proceder ie leur deffens :

Quant d’entendre le grant Credo, C’est trop pour telz ieunes enfans.

Mon long tabart en deux ie fens :

Si vueil que la moitié s’en vende, Pour leur en achapter des flans, Car ieunesse est ung pou friande.

Sy vueil qu’ilz soient informez

En meurs, quoy que coste bature.

Chapperons aront enfermez

Et les pousses sur la sainture :

Humbles à toute creature,

Disant : « Hay! quoy ! il n’en est rien : »

Sy diront gens par aduenture :

« Vez là enfans de lieu de bien ! »

LS F0 es.

Item, et mes poures clergons, Ausquelz mes tiltres ie resigne, Beaulx enfans et droiz comme ions, Les voyant, si m’en desaisine,

Et, sans receuoir, leur assigne, Seur comme qui l’aroit en paulme, Et à ung certain iour consigne

Sur l'ostel de Gueutry Guillaume.

Quoy que ieunes et esbatans Soient, en rien ne me desplait.

Dedens XXX ans, XL ans,

Bien autres seront, si Dieu plaist.

Il fait mal, qui ne leur complaist.

11z sont tresbeaulx enfans et gens, Et qui les bat ou fiert, fol est, Car enfans si deuiennent gens.

Les bourses des XVIII Clers Auront, ie m’y vueil trauailler.

Pas 1lz ne dorment comme loirs, Qui trois moys sont sans resueiller.

Au fort, triste est le sommeiller, :

Qui fait ieune cuer en ieunesse, Tant qu’enfin lui faille veiller, Quant reposer deust en viellesse.

Sy en rescry au collateur Léctres semblables ou pareilles.

Or prient pour leur bienfacteur, Ou qu'on leur tire les oreilles.

Aucunes gens ont grans merueilles, Que tant m’encline vers ces deux,

Mais, foy que doy, festes et veilles, Onques ne vy les meres d’eulx.

Item, donne à Michau Culdoe

Et à sire Charlot Tarenne

Cent solz (et s’i1z demandent oue,

Ne leur chault : 1lz venront de Mainne), Et une botes de basenne, É Autant empeigne que semelle,

Pourueu qu’ilz me salueront Jehanne

Et autant une autre comme elle.

Item, au seigneur de Grigny, Auquel iadiz lessé Vicestre,

Je donne la tour de Billy, Pourueu, se huys y a ne fenestre Qui soit ne debout ne en estre, Qu'il mecte tresbien tout en point :

Face argent à destre, à senestre :

Il m’en fault, et il n’en a point.

Item, à Thibault de la Garde.

Thibault ? je mens, il a nom Jehan.

Que lui donray-ie que ie perde ?

Assez l’ay perdu tout cest an.

Dieu le vueille pourueoir, amen.

Le barillet ? par m’ame, voire | Geneuoys est plus ancien,

Et a plus beau nez pour y boire.

Item, ie donne à Basennier,

Notaire et greffier criminel,

De girofle ung plain pennier

Prins chez maistre Jehan de Rueil, Tant à Mautaint comme à Renel,

Et auec ce don de girofle,

Seruir, de cuer gent et isnel,

Le seigneur qui sert saint Christofle :

Auquel ceste Balade donne,

Pour sa dame qui tous biens a :

S’amours ainsi touz ne querdonne, Je ne m’esbays de cela,

Car au Pas conquester lala,

Que fist René #4, roy de Cecille, Où si bien fist et peu parla, Qu’onques fist Hector, ne Troille.

Balade.

Au point du iour que l’esparuier se bat,

Meu de plaisir et par noble costume,

Bruit la mauluiz et de ioye s’esbat,

Reçoit son past *f et se ioinct à sa plume,

Offrir vous vueil (ad ce desir m’alume)

” Joyeusement ce qu’aux amans bon semble :

Sachez qu’Auerroys? l’escript en son volume, Et c’est la fin pourquoy sommes ensemble.

Dame serez de mon cuer, sans debat, Entierement, iuques mort me consume :

Laurier $* souef qui pour mon dueil combat, Oliuier franc m’ostant $’ tout amertume :

Raison ne veult que ie desacostume

(Et.en ce vueil avec elle m’assemble)

De vous seruir, mais que m’y acostume,

Et c’est la fin pourquoy sommes ensemble.

Et qui plus est, quant dueil sur moy s’embat Par fortune qui souuent si me fume,

Vostre doulx œil sa malice rabat, Ne mais ne mains que le vent fait la plume.

Si ne pers pas la graine que ie sume

En vostre champ, quant le fruict me ressemble : Dieu m'ordonne que ie le harse et fume, Et c’est la fin pourquoy sommes ensemble.

Prince, ouyez ce qu’ICy Vous resume :

Que le mien cueur du vostre desassemble, là ne sera, tant de vous en presume,

Et c’est la fin pourquoy sommes ensemble.

Item, à sire Jehan Perdriel,

Rien, n’à François son segond frere, S’ilz m'ont voulu tousiours aider

Et de leurs biens faire confrere, Combien que François mon compere, Langue cuisant flambans et rouges, My commandement, my priere,

Me recommanda fort à Bourges.

os

Sy m'en allé en Tailleuant,

Ou chappitre de friscasseure, Tout au long, dariere et deuant, Lequel ne parle ius ne sure.

Mais Macquaire, ie vous asseure, O tout le poil cuisant le deable, Affin que sentist bon l’arsure,

Ce Recipe m’escript, sans fable.

Balade.

En realgar, en arcenic rocher,

En orpiment, en salpetre, en chaux viue,

En plom boullant, pour mieuix les esmoucher, En suif et poix, destrempe de laissiue, Faicte d’estrons et de pissatz de iuifue,

En lauailles de iambes à meseaulx,

En raclures de piez et vielz houseaulx,

En sang d’aspic et drogues venimeuses,

En fiels *° de lops, de regnars, de bleseaux, Soient frictes ses langues enuieuses.

En ceruelle de chat qui hait pescher,

Noir et si viel qu’il n’ait dent en genciue : D'un viel mastin, qui vault bien aussi chier, Tout enragé en sa baue et saliue;

En l’escume d’une mulle poulciue, Destrenchée menue à bons ciseaulx ;

ds NT LE

En eau où ratz plongent groings et museaulx, Reynes, crappaux et bestes dangereuses, Serpens, lysars, et telz nobles oyseaulx, Soient frictes ses langues enuieuses.

En sublimé dangereuse à toucher,

Et au nombril d’une couleuure uiue :

En sang qu’on voit ès pallectes secher #!, Chez ces barbiers, quant plaine lune arriue, Dont l’un est noir, l’autre plus vert que ciue : En chancre et ficz *?, et en ces ors cuueaulx, Où nourrisses essangent leurs drappeaulx :

En petiz baings de filles amoureuses

(Qui ne m’entent ?} qui suyuent les bordeaulx, Soient frictes ses langues enuieuses.

Prince, passez tous ces frians morceaulx, S’estamine, sacz n’auez ou beluteaulx, Parmy le fons d’unes braies breneuses, Mais par auant en estrons de pourceaulx Soient frictes ses langues enuieuses.

Item, à maistre Andry Courault,

Les Contrediz Franc Gontier mande ‘* :

Quant du Tirant seant en hault,

A celui là rien ne demande.

Le Sage ne veult que contende

Contre puissant poure homme bas,

ss 82 ES.

Affin que ses fillez ne tende Et que ne trebuche en ses las.

Gontier ne crains : il n’a nulz hommes, Et mieulx que moy n’est herité,

Mais en ce debat cy nous sommes, Car il loue sa poureté :

Estre poure, yuer et esté,

Une felicité reppute :

Ce que tiens en malheurté.

Lequel a tort ? Or en discute.

Balade.

Sur mol duuet assis ung gras chanoine, Lez ung brasier, en chambre bien natée, A son costé gisant dame Cydoyne, Blanche, tendre, polie et atintée,

Boire ypocras à iour et à nuytée,

Rire, iouer, mignoter et baiser,

Et nu à nu, pour mieulx des corps aiser, Les vy tous deux, par ung trou de mortaise.

Lors ie congneu que pour dueil appaiser, Qu’il n’est tresor que de viure à son aise.

Si Franc Gontier et sa compaigne Helaine Eussent ceste doulce vie hantée, :

D'oignons, ciuotz, qui causent forte alaine, N’acoutassent une bise tostée.

Tout leur naton et toute leur potée

Ne prise ung ail, ie le dy sans noyser :

NL

S'ilz se uantent coucher soubz le rosier, Lequel vault mieux lit costoyé de chaise ?

Qu’en dictes-vous? Faut-il à ce nuiser ?

Il n’est tresor que de viure à son aise.

De gros pain biz viuent, d’orge et auoyne, Et boyuent eau, tout le long de l’année :

Touz les oyseaulx, d’icy en Babilloyne,

A tel estat, une seulle iournée,

Ne me tendroient, non une matinée.

Or s’esbate, de par Dieu, Franc Gontier, Helaine o luy, soubz le bel esglantier :

Se bien leur ayst, cause n’ay qu’il me poise. Mais, quoy que soit du laboureux mestier, Il n’est tresor que de viure à son aise ‘*.

Item, pource que scet sa Bible Madamoiselle de Bruyeres, Donne prescher lors l’euuangille A elle et à ses bachelieres,

Pour retraire ses vilotieres

Qui ont le bec si afillé,

Mais que ce soit hors cymetieres, Trop bien au marché au fillé.

Balade.

Quoy qu’on tiegne belles langaigeres Florentines, l’eniciennes,

Assés pour estre messagieres

Et mesmement les anciennes.

Mais soient Lombardes, Rommaines, Geneuoyses, à mes perilz, Pymonthoises, Sauoysiennes,

I! n’est bon bec que de Paris.

De tresbeau parler tiennent chaires, Se dit-on, Neapolitaines,

Et sont tresbonnes quaquetieres Allemendes et Prussiennes ;

Mais soient Grecques, Egiptiennes, De Hongrie ou d’autre pais, Espaignoilles et Cathelennes,

Il n’est bon bec que de Paris.

Brettes, Suisses n’y scauent gueres, Gascongnes aussi, Tholousennes :

De-Petit Pont deux harengieres Les concluront, et les Lorrennes, Engloisses et Calaisiennes

(Ay-ie beau cop de lieux compris ?) Picardes de Vallenciennes…

Il n’est bon bec que de Paris.

Prince, aux dames Parisiennes, De bien parler donne le pris :

Quoy qu’on die d’Italliennes, Il n’est bon bec que de Paris.

Regarde m'en deux, trois, assises Sur le bas du ploy de leur robbe, En ces moustiers, en ces eglises :

Tire-toy près, et ne te hobe.

Tu trouueras qu’onques Macrobe Ne fist onques tel iugement :

Entens quelque chose en desrobe :

Ce sont tresbeaulx enseignemens.

Item, et au lieu de Montmartre, Qui est ung lieu bien ancien,

Je luy donne et enioings le tertre Qu’on dit le mont Vallerien :

Et, oultre plus, ung quartier d’an Du pardon, qu’aporte de Romme, Si y va, maint bon chrestien,

Voir l'abaie où il n’entre homme.

Item, varletz et chamberieres

De bons hostelz (riens ne me nuyt) Feront tartres, flans et goyeres,

Et grant rauaudiz à mynuyt.

Riens n’y font sept pintes, ne huit, Tant que gisent seigneur et dame :

Puis après, sans mener grant bruit, Ont chascune nuyt une fame.

Item, et aux filles de bien,

Qui ont peres, meres et antes,

Par m’arme | ie ne donne rien,

Car j’ay tout donné aux seruantes :

Mais ell” seront de peu contentes :

Grant bien leur fissent mains loppins, Aux poures filles ennementes

Qui se perdent aux Jacoppins.

Aux Cellestins et aux Chartreulx, Quoy que vie maïnent estroicte, Si ont-ilz largement entr’eulx, Dont poures filles ont souffrecte :

Tesmoing Jaqueline et Perrète, Et Ysabeau qui dit Anné :

Puis qu’elles ont telle disecte,

A paine en seroit-on dampñé.

Item, à la grosse Margot, Tresdoulce face et pourtraicture, Foy que doy, brulares bigot, Assez deuote creature :

Je Paime de propre nature, Et elle moy, la doulce sade.

Qui la trouuera d’aduenture, Qu’on luy lise ceste Balade.

Balade.

Sy j'aime et sers la belle, de bon hait, M’en deuez-vous tenir ne vil ne sot ?

Elle a assés de biens à fin souhait,

Pour son amour, sains, boucler et passot.

Quant viennent gens, elle happe le pot, Au vin s’enfuit à cop, sans mener bruit :

Elle leur tend eau, fromaige, pain, fruict ; Ilz paient bien : elle leur dit : « Bien stat ! Retournez cy, quant vous serez en ruit, En ce bordeau où tenons nostre estat. »

Mais en après il y a grand dehait,

Quant sans argent s’en va coucher Margot :

Veoir ne la puis, mon cuer à mort la hait :

Sa robe prens, demy saint et surcot ‘,

Si lui iure qu’il tendra pour l’escot.

Par les costés se prent, cest Antechrist :

Crie et iure, par la mort Jhesuchrist,

Que non sera : lors empongne ung esclat :

Dessus son nez ie luy faiz ung escript,

En ce bordeau où tenons nostre estat.

Puis paix se fait, et me fait ung gros pet :

Plus enflambé que velimeux chabot,

Riant, m’assiet son poing sur mon sommet, Gogo me dit et fiert sur le 1abot.

Tous deux yures dormons, comme ung sabot, Et au reueil, quant le ventre luy bruit,

Monte sur moy, tant que gaste mon fruit :

Dessoubz le gaing **, plus qu’un ais me fait plat, De paillarder tant elle me destruit,

En ce bordeau où tenons nostre estat.

Vente, gresle, gelle, ay mon pain cuit.

Je suis paillart, la paillarde me duit ‘.

Lequel vault mieux? Chascun bien s’entresuit, L'un vault l’autre, c’est à mau chat mau rat. Nous deffuyons honneur, et il nous fuyt :

Ordure auons, et ordure nous suit,

En ce bordeau où tenons nostre estat.

Item, à Marion l’Ydolle,

Et la grant Jehanne de Bretaigne, Donne tenir publique escolle,

Où l’escollier le maistre enseigne.

Lieu n’est, où marché ne se tiegne, Sinon à la grille de Mehun :

De quoy ie dy : « Fy de l’enseigne, Puisque l’ouuraige est si commun. »

Item, et à Noel Joliz,

Autre chose ie ne luy donne,

Fors plain poing d’osiers frais cuilliz En mon iardin : ie l’abandonne.

Chastoy est une belle aumosne :

Ame n’en doit estre marry :

Onze coups ie luy en ordonne Liurez par les mains de Henry.

Item, ne scay qu’à l’Ostel Dieu Donner, n’à poures hoppitaulx : Bourdes n'ont icy temps, ne lieu, Car poures gens ont assés maulx :

Chascun leur enuoye leurs aulx.

Les Mandiens ont eu mon oye.

Au fort, ilz en auront les oz :

A menue gent menue monnolie.

Item, ie donne à mon barbier,

Qui se nomme Colin Galerne, .

Près voisin d’Angelot Lerbier,

Ung gros glasson.., Pris où? En Marne, Affin qu’à son ayse se yuerne.

De l’estomac le tiegne près :

Se l’yuer ainsi se gouuerne,

Jà n’ara froit l’année d’après.

Item, rien aux Enfans trouuez, Mais les perdus fault que consolle, Si doiuent estre retrouuez,

Par droit, chez Marion l’Ydolle.

Une leçon de mon escolle

Leur liray, qui ne dure guere.

Teste n’ayent dure ne folle, Escoutent, car c’est la darniere.

Beaulx enfants, vous perdez la plus Belle rose de voz chappeau,

Mes clers prés prenant comme gluz :

Si vous allez à Monpipeau

. Ou à Rueil, gardez la peau,

Car, pour s’esbattre en ces deux lieux, Cuidant que vaulist ung appeau,

Le perdit Colin des Cayeulx.

Ce n’est pas ung ieu de trois mailles, Où va corps et peult-estre l’ame :

Qui pert, rien n’y vault repentailles, Qu'il ne meure à honte et diffame :

Et qui gaigne, n’a pas à femme

Dido la royne de Cartage.

L'homme est donc bien fol et infame, Qui pour si peu couche tel gage.

Qu’un chascun encores m’escoute :

On dit, et il est verité,

Que charreterie se boit toute,

Au feu l’yuer, au bois l’esté.

S’argent auez, il n’est enté,

Mais le despendez tost et viste.

Qui en voiés-vous herité ? | Jamais mal acquest ne proffite ‘#.

A vous parler *, compaings de galles, Mal des ames et bien du corps :

Gardez-vous bien de ce mal hasles, Qui noircist les gens, quant sont mors.

Escheuez-le, c’est ung mal mors, Passez-vous au mieulx que pourtés, Et, pour Dieu, soiés touz remors Qu’une fais vendra que mourrés.

jtem, ie donne aux XV Vins, Qu’autant vaudroit dire Trois Cens, De Paris, non pas de Prouins,

Gar à eulx tenu ie me sens.

Iz aront, et ie m’y consens,

Sans leur estuy, mes grans lunettes, Pour departir, aux Innocens,

Les gens de bien des deshonnestes

Icy n’y ane ris, ne ieu.

Que leur vault-il auoir cheuances, ‘ N’en grans hitz de parement ieu, N’englotir vins en grasses pances, Mener ioye, festes et dances,

Et de ce prest estre à toute heure ?

Toutes faillent celles plaisances, Et la coulpe $i en demeure.

Quant ie concidere ces testes Entassées en ces charniers,

Touz furent maistres des requestes Au moins de la Chambre aux deniers, Euesques, maçons, cordouenniers, Autant puis l’un que l’autre dire,

Car d’euesques ou lanterniers,

Je n’y congnois rien à redire,

Et icelles qui s’enclinoient

Unes contre autres en leurs vies, Desquelles les unes regnoient,

Des autres craintes et seruies :

Là les voy toutes assouvies, Ensemble en ung thas mesle pesle :

Leurs seigneuries sont rauies :

Clerc ne maistre ne s’y appelle. .

Or sont-ilz mors, Dieu ait leurs ames.

Quant est des corps, ilz sont pourriz :

Ayent esté seigneurs ou dames, Souef et tendrement nourriz

De cresme, fromentée ou riz :

Leurs os sont declinez en pouldre, Ausquelz ne chault d’esbastz, ne ris.

Plaise au doulx 3hesus les absouldre !

Aux trespassés ie faiz ce laiz,

Et iceluy ie communique

À regens, cours, sieges, palais, Hayneurs d’auarice linicque :

Lesquelz pour la chose publique Sechent bien les os et les corps :

De Dieu et de saint Dominique Soient absolz, quant seront mors.

Item, rien à Jacquet Cardon, Car rien plus n’ay que soit honeste, Non pas que le gecte habandon, Sinon ceste bergeronnette :

S’elle eust le chant Marionnete

Fait pour Marion la peautarde,

Ou de Ouurés vostre huys. Guillemete, Elle allast bien à la moustarde‘?. |

Chanson.

Au retour de dure prison, Où ie perdy presque la vie,

= di

Se fortune a sur moy enuie, Juge s’elle fait mesprison !

Il me semble que, par raison, Elle deuroit estre assouuie.

Cecy plain est de desraison, Qui veuille que du tout desuye.

Plaise à Dieu que l’ame raüye En soit lassus en sa maison!

Item, donne à maistre Loumer, Comme extraict que ie suis de fée, Qu'il soit bien amé, mais d’amer Fille en chief ou femme coeffée, Jà n’en ait la teste eschauffée,

. Et qu’il ne luy coste une noix Faire au soir cent foiz la faffée, En despit d’Ogier le Danoys.

Item, donne aux amants enfermes, Sans le laiz maistre Alain Chartier, A leur cheuet, de pleurs et larmes, Trestout fin plain ung benoistier, Et ung petit brin d’aiglentier

Qui soit tout vert, pour guypillon, Pourueu qu’ilz diront ung saultier Pour l’ame du poure Villon.

Item, à maistre Jaques James, Qui se tue d’amasser biens,

Donne fiancer tant de femmes

Qu'il voudra, mais d’esposer, riens.

Pour qui amasse-il? Pour les siens.

Il ne plaint, fors que ses morceaulx.

Ce qui fut aux truyes, ie tiens

Qu'il doit de droit estre aux pourceaulx.

Item, le Camus Seneschal,

Qui une foiz paya mes debtes,

En recompence, mareschal

Sera, pour ferrer ses canettes.

Je luy enuoie ses sornectes,

Pour soy desennuyer, combien, S’il veult, face-en des alumettes :

De bien chanter s’ennuye-on bien.

Item, au ch@ualier du guet,

Je donne deux beaulx petiz paiges, Phillebert et le gros Marquet,

Qui ont bien seruy, comme saiges, La plus grant partie de leur aage, Le bon preuost des mareschaux.… Helas! s’ilz sont cassez de gages, Aller les fauldra tous deschaux.

Item, à Chappelain ie laisse

Ma chappelle à simple tonssure ‘!, Chargée d’une seiche messe,

Où il ne fault pas grant lecture.

Resigné luy eusse ma cure, Maïs-point ne veult de charge d'ames :

De confesser, se dit, n’a cure, Sinon chamberieres ou dames.

Pource que c’est bien mon entente, Jehan de Caulez, honnorable homme Qui ne me vit, des ans a XXX,

Et ne scet comment ie me nomme :

De tout ce Testament, en somme, S’aucun y a difficulté,

De le mettre en meilleure forme

Je luy en donne faculté.

De le gloser et commenter,

De le diffinir et descripre, Diminuer et augmenter,

De le clausuler et prescripre

De sa main, et, ne sceust escripre, Interpreter et donner sens,

A son plaisir, meilleur ou pire,

Et à tout cecy me consens.

Et s’aucun, dont n’ay congnoissance, Estoit allé de mort à vie, |

Je vueil et luy donne puissance,

Affin que l’ordre soit suyuie,

Pour estre mieulx parassouuie, Ladite aumosne lui transporte,

Et s’il l’apliquoit par enuie,

‘À son ame ie m’en rapporte,

Item, r’ordonne ŸSaincte Auoye, Et non ailleurs, ma sepulture,

Affin que chascun si me voye,

Non pas en char, mais en painture : ** Et qu’on tire mon estature

D’encre. s’il ne costoit trop chier.

De tumbeau ? Rien. Je n’en ay cure, Car il greueroit le plancher.

Item, vueil qu’autour de ma fosse, Ce qui s’ensuit, sans autre histoire, Soit escript en lectre assés grosse, Et, qui n’aroit point d’escriptoire, De charbon et de pierre noire, Sans en rien entamer le plastre, Affin que de moy soit memoire, Telle qu’il est d’un bon follastre.

Epitaphe.

Cy gist et dort en ce sollier, Qu’Amours occist de son raillon, Ung poure petit escollier,

Qui est nommé Francois Villon.

Onques de terre n’ot seillon :

Il donna tout, chascun le scet, Tables, trelteaux et corbeillon.

Gallans, dictez-en ce verset.

Rondel.

Repos eternel donrie A cil, Sire, clarté perpetuelle,

Qui vaillant plat ne escuelle N'ot onc, ny ung brain de percil.

Il fut rez, chef, barbe et sourcil, ‘Comme ung nauet qu’on ret et pelle.

Rigueur le transmit en exil,

Et luy frappa au cul la pelle, Nonobstant qu’il dit : « J’en appelle! »

Qui n’est pas terme trop soustil.

Repos!

Item, ie vueil qu’on sonne en bransle Le gros Beffroy qui est de verre, Combien qu’il n’est cuer qui ne tremble Quant de sonner est à son erre : Sonné *# a mainte belle guerre,

Le temps passé, chascun le scet :

Fussent gens d’armes ou tonnerre,

Au son de lui tout mal cessoit.

Les sonneurs auront quatre miches, Mais el’ 5 seront de Saint Estienne, Autant qu’en donnent les plus riches :

Si c’est trop peu, demie douzaine.

Vollant est homme de grant paine :

Ung en sera; quant l’y regarde,

Il en uiura une sepmaine.

Ft l’autre ? Au fort, Jehan de la Garde.

Pour tout ce fornir et parfaire, J’ordonne mes executeurs,

Ausquelz fait bon auoir affaire,

Et contentent bien leurs debteurs.

Hz n’en sont pas trop grans vanteurs Et ont bien de quoy, Dieu mercis :

De ce fait seront directeurs.

Escry : ie t’en nommeray six.

C’est maistre Martin Bellefaye, Lieutenant du cas criminel.

Qui sera l’autre ? J’y pensoie :

Ce sera sire Colombel,

S'il lui plaist, et il lui est bel, Il entreprendra ceste charge, Et l’autre Michel Juuenel :

Ces trois seulz et pour tout jen charge.

Mais, ou cas qu’ilz s’en excusassent, En redoubtant les premiers frais,

Ou totallement recusassent,

Ceux qui s’ensuyuent cy après Institue gens de bien très :

Philippe Bruneau, noble escuier,

Et l’autre, son voisin d’après, Nommé maistre Jaques Regnier :

Et l’autre, maistre Jaques James :

Trois hommes de bien et d’onneur, Desirans de sauuer leurs ames

Et craignans Dieu Nostre Seigneur,

Car plus tost y mettront du leur, Que ceste ordonnance ne baillent :

Point n’aront de contreroleur, Mais à leur bon plaisir en taillent.

Des testamens qu’en Ÿ® dit le maistre ?

De mon fait n’ara quid ne quod,

Mais ce sera ung ieune prestre,

Qui est nommé Thomas Triquot.

Voulentiers beusse à son escot,

Et qu’il me costast ma cornete :

S’il seust iouer à ung tripot,

Il eust de moy le trou Perrete.

Quant au regart du luminaire, Guillaume du Ru y commetz :

Pour porter les coings du suaire,

Aux executeurs le remetz,

Trop plus mal me font qu’onques mais, Barbe, cheueux, penil, sourcilz :

Mal me presse fort desormais :

Si crie à toutes gens merciz.

Balade.

A Chartreux et à Cellestins,

A Mendiens et à deuotes,

A musars, à claquepatins,

A seruans et filles mignotes, Portant secotz et iustes cottes, À cuidereaulx d’amours transis,

Qui chaussent sars mal fauues bottes :

Si crie à toutes gens merciz.

A filles monstrans leurs tetins Pour auoir plus largement d’ostes, A ribleux, mouueux de hutins,

A bateleurs trainans marmotes,

A folz, folles, à sotz et sottes,

Qui s’en vont sifflant six à Six,

A marmosés et mariotes :

Si crie à toutes gens merciz.

Sinon aux traistres chiens mastins, Qui m’ont fait chier dures crostes, Marcher mains soirs et mains matins, Maïs ores ne les crains trois noques :

Je leur fisse et petz et rotes :

Je ne puis, car ie suis assis.

Au fort, pour euiter riotes,

Si crie à toutes gens merciz.

S’on leur froissoit les XV costes De gros mailletz fors et massis, De plombées et de pelotes,

Si crie à toutes gens merciz.

Autre Balade.

Icy conclut le Testament, Et finist, du poure Villon.