JO0I

Venez à son enterrement, Quant vous orrez le carrillon, Tous reuestuz de vermillon,

Car en amours morut martir,

Et iura-il sur son callon,

Quant de ce monde voult partir.

Item, ie croy que pas ne ment, Quant morut, n’auoit qu’ung soullon.

Qui plus, en mourant, mallement L’espoignoit ? D’amours l’esguillon, Plus agu que le ranguillon

D'un bauldrier : d’aussi le sentir, C’est de quoy nous esmerueillon, Quant de ce monde voult partir.

Il est ainsi et tellement,

Que chassé fut, comme ung haïllon, De ses amours hayneusement,

Tant que, d’icy à Roussillon,

Rosse n’y a, ne roussillon,

Qui n’eust, ce dit-il sans mentir, Ung lambeau de son cothillon, Quant de ce monde voult partir.

Prince, gent comme esmerillon, Sachez qu’il but, au departir,

Ung traict de bon vin morillon, Quant de ce monde voult partir.