BALLADE DE LA FORTUNE

Fortune suis par clercz iadiz nommée,

Que toy, Francois, crie et nommes meurtriere. Il n’est homme de nulle renommée

Meilleur de toy : faiz user en platriere

Par poureté, fouyr en carriere.

S’a honte vis5#, te dois-tu doncques plaindre? Regarde et voy, de mes faiz de iadiz,

Mains vaillans homs par moy mors et roidis, Et n’est ce fait * enuers eulx ung soillon.

Appaise-toy et metz fin en tes diz,

Par mon conseil, prens tout en gré, Villon.

Contre grans roys me suis bien anymée, Le temps qui est ià passé en arriere :

Priam occis, et toute son armée,

Ne luy valut tour, donion, ne barriere :

Et Hannibal demoura-il darriere,

En Cartaige par mort le fiz actaindre :

Et Cypion PAffriquain fiz estaindre, Julles Cesar en Senat ie vendis,

En Egipte Pompée ie pardis,

En mer noyé Jason en ung boullon,

Et une foiz Romme et Romains ardis… Par mon conseil, prens tout en gré, Villon.

Alixandre, qui tant fist de hamée, Qui voulut veoir l’estoille poulciniere,

Sa personne fut-elle enuenimée :

. Alphaxas roy, en champs, sur sa banniere, Rué ius mort, cela c’est ma maniere.

Ainsi l’ay fait, ainsi le maintendray.

Autre cause ne raison ne rendray.

Holoferne, l’ydolatre mauldiz, Qu’occist Judith, et dormoit entendiz, De son poignart, dedans son pauillon :

Absalon, quoy? en fuyant le pandiz… Par mon conseil, prens tout en gré, Villon.

Pour ce, Francois, escoute que te diz :

Se rien peusse sans Dieu de Paradiz,

À toy, n’autre, ne demoura haïllon,

Car pour ung mal certes j’en feroie dix.

Par mon conseil, prens tout en gré, Villon.