RACOMPTEE PAR JEHAN MARTIN

K escoutez, s'il vous plaist, qu'il I advint, en la chastelenie de Lisle, d'ung bergier des champs et d'une Ijeune pastourelle, qui ensemble, ou à six piez l'ung de l'aultre, gardoient leurs brebis. Marchié se porta entre eulx deux, une fois entre les aultres, à la semonce de Nature, qui les avoit desja eslevez en aage de congnoistre que c'est de ce monde, que le bergier monteroit sur la bergiere pour veoir de plus loing, pourveu toutesfoys qu'il ne l'embrocheroit non plus avant qu'elle mesmes fist le signe de sa main sur l'instrument naturel du bergier, qui fut environ deux doys, la teste franche ; et

l6 QUATRE-VINGT-DEUXiÈr.IE NOUVELLE

estoit le signe fait d'une meure noire qui croist sur les hayes. Cela fait, ilz se mettent à l'ouvrage de par Dieu, et bon bergier se fourre dedans, comme s'il ne coutast riens, sans regarder merche ne signe, ne promesse qu'il eust faicte à sa bergiere, car tout ce qu'il avoit enseveljt jusques au manche; et, se plus en eust eu, il trouva lieu assez pour le loger. Et la belle bergiere, qui jamais n'avoit esté à telz nopces, tant aise se trouvoit que jamais ne voulsist faire aultre chose.

Les armes furent asseurées, et se tira tantost chascun vers ses brebis, qui desja s'estoient d'eulx fort eslongnées, à cause de leur absence. Tout fut rassemblé et mis en bon train, et bon bergier, que on appeloit Hacquin, pour passer temps comme il avoit de coustume, se mist en contrepoix , entre deux hajes, sur une baloichere, et là s'esbatoit et estoit plus aise que ung roy. La bergiere se mist à faire ung chapelet de florettes sur la rive d'ung fossé, et regardoit tousjours, disant la chansonnette jolie, se le bergier reviendroit point à la meure ; mais c'estoit la moindre de ses pensées.

Et quant elle vit qu'il ne venoit point, elle le

commence, à hucher : « Et Hacquin ! Hacquin! » Et il respond : « Que veulx tu? — Vien ça, vien ça? dist elle; si feras cela. » Et Hacquin, qui en avoit son saoul, lui respondit : «En nom de Dieu ! j'ay aussi cher de n'en faire rien; je m'esbas bien ainsi. » Et la bergiere lui dist : (( Vien çà, Hacquin, je te laisseray bouter plus avant, sans faire merche. — Saint Jehan ! dist Hacquin, j'ay passé le signe de la meure; aussi n'en aurez vous plus maintenant. »

Il laissa la bergiere, à qui bien desplaisoit de demourer ainsi oyseuse.