PAR MONSEIGNEUR DE COMMESURAM

■0$'a gueres qu'en la ville de Mons, wen Haynault, un procureur de la Sg Cour dudit Mons, assez sur aage H et ja ancien, entre ses aultres clercz avoit ung tresbeau filz et gentil compaignon, duquel sa femme, à certaine espace de temps, s'énamoura tresfort ; et tresbien luy sembloit qu'il estoit mieulx taillé de faire la besoigne que n'estoit son mary. Et, affin qu'elle esprouvast se son cuider estoit vray, elle conclud en soy mesmes qu'elle tiendra telz termes que, s'il n'est plus beste que ung asne, il se donra tantosi garde qu'elle en veult à luy.

Pour exécuter ce désir, ceste vaillant femme.

jeune et fresche, et en bon point, venoit souvent et menu coustre et filer auprès de ce clerc; et devisoit à luy de cent mille besoignes, dont la pluspart tousjours en fin sur amours retournoient. Et, devant ces devises, elle n'oublia pas de le servir d'aubades assez largement : une fois le butoit du coude en escripvant; une autre fois, luy gettoit des pierrettes, tant qu'il brouilloit ce qu'il faisoit, et luy failloit recommencer. Ung aultre jour, recommençoit ceste feste et luy ostoit papier et parchemin, tant qu'il failloit qu'il cessast l'œuvre, dont il estoit tresmal content, doubtant le courroux de son maistre. Quelque semblant que la maistresse long temps luy eust monstre, qui tiroit fort au train de derrière, si luy avoient jeunesse et crainte les yeulx si bandez qu'en rien il ne s'apercevoit du bien qu'on luy vouloit ; neantmoins, en la fin, il apperceut qu'il estoit bien en grâce.

Et ne demoura gueres après ceste deliberacion que, le procureur estant hors de l'ostel, sa femme vint au clerc bailler l'assault qu'elle avoit de coustume, voire trop plus aigre et plus fort (pie nulle fois de devant, tant de ruer, tant de bouter, de parler; mesmes, pour le plus empes-

chier et bailler destourbier, elle respandit, sur buffet, sur papier, sur robe, son cornet à l'encre. Et nostre clerc , plus congnoissant et mieulx voyant que cy dessus, saillit sur piez et assault sa maistresse et la reboute en arrière de luy, priant qu'elle le laissast escripre. Et elle, qui demandoit estre assaillie et combatre, ne laissa pas pourtant Pemprinseencommencée. «Sçavez vous, que luy a dit le clerc, ma damoiselle, c'est force que je achevé l'escript que j'ay encommencé? Si vous requier que vous me laissez paisible, ou, par la mort bieu, je vous livreray castille. — ■ Et que me feriez vous, beau sire? dist elle: la moe? — Nennil, par Dieu! — Et quoy donc? — Quoy? — Voire quoy? — Pour ce, dist il, que vous avez respandu mon cornet à l'encre, et avez broullié mon escripture, je vous pourray bien broullier vostre parchemin ; et, affln que faulte d'encre ne m'empesche d'escripre, j'en pourray bien pescher en vostre cornet. — Par ma foy, dist elle, vous en estes bien l'homme, et croiez que j'en ay grand paour ! — Je ne say quel homme, dist le clerc, mais je suis tel que, se vous vous y esbatez plus, vous passerez par là. Et, de fait, vecy une roye que je vous fais,

et par Dieu, se vous la passez, tant peu que ce soit, se je vous faulx, je vueil qu'on me tue! — Et par ma foy, dist elle, je ne vous en crains, et si passeray la roye , et puis verray que vous ferez. » Et, disant ces parolles, marcha là dru, faisant le petit sault, oultre la roye, bien avant. Et le bon clerc la prent aux grifz, sans plus enquerre, et sur son banc la rue. Et créez qu'il la punit bien, car, s'elle l'avoit broullié, il ne luy en fîst pas moins, mais ce fut en autre façon, car elle le broullia par dehors et à descouvert, et il la broullia à couvert et par dedans.

Or est il vray que là présent y estoit ung jeune enfant de environ deux ans, fils de leans. Il ne fault pas demander s'aprés ces premières armes de la maistresse et du clerc, il y eut plusieurs secretz remonstrez à moins de parolles que les premières. Il ne vous fault pas celer aussi que, peu de jours après ceste adventure, ledit petit enfant ou comptoir estant où nostre clerc escripvoit, le procureur et maistre de leans survint ; et marche avant, pour tirer vers son clerc, pour regarder qu'il escripvoit, ou pour espoir d'aultre chose ; et, comme il approucha la roye que son clerc avoit faicte pour sa femme, qui

encores n'estoit pas effacée, son filz lui crye et dit : « Mon père, gardez bien que vous ne passez ceste roye, car nostre clerc vous abatroit et houspilleroit ainsi qu'il fist nagueres ma mère. » Le procureur, ouyant son filz, et regardant la roye, si ne sceust que penser, car il luy souvint que folz, yvres et enfans ont de coustume de vérité dire, mais non pourtant il n'en fist pour ceste heure nul semblant ; et n'est encores point venu à ma congnoissance se il différa la chose ou par ignorance ou par doubte d'esclandre, etc.

Qrf^SEËfc&^^^tô

LA XXIVe NOUVELLE