PAR. MONSEIGNEUR

@ 'a pas cent ans du jour d'huy que ung gentil homme de ce royaulme

1§> voulut sçavoir et esprouver l'aise qu'on a en mariage; et, pour abregier, fist tant que le tresdesiré jour de ses nopces fut venu. Apres les tresbonnes chieres et aultres passetemps accoustumez, l'espousée fut couchée, et, une certaine pièce après, la suyvit et se coucha au plus prés d'elle, et sans delay incontinent bailla l'assault à sa forteresse. A quelque meschief que ce feust, il entra dedans et la gaigna ; mais vous devez entendre qu'il ne fist pas ceste conqueste sans faire foison d'armes qui longues seroient à racompter ; car, ainçois

qu'il venist au donjon du chasteau, force luy fut de gaigner et emporter bellevres, baublieres et plusieurs aultres forts dont la place estoit bien garnie, comme celle qui jamais n'avoit est' prinse, au moins dont fut encores grant nouvelle, et que la nature avoit mis à défense. Quant il fut maistre de la place, il rompit sa lance, et lors cessa Passault et ploya l'oeuvre.

Or, ne fait pas à oublier que la bonne damoiselle qui se vit en la mercy de ce gentil homme son mary, qui desja avoit fourraigé la pluspart de son manoir, luy voulut monstrer ung prisonnier qu'elle tenoit en un secret lieu encloz et enfermé ; et, pour parler plain, elle se délivra, ey prins cy mis, après ceste première course, d'ung tresbeau filz, dont son mary se trouva si treshonteux et tant esbahy qu'il ne sçavoit sa manière, sinon de soy taire. Et, pour honnesteté et pitié qu'il eut de ce cas, il servit la mère et l'enfant de ce qu'il sçavoit faire. Mais créez que la povre gentil femme, à cest coup, getta un bien hault et dur cry, qui de plusieurs fut clerement ouy et entendu, qu'ilz cuidoient, à la vérité, qu'elle gettast ce cry à la despuceller, comme c'est la coustume en ce royaulme.

Pendant ce temps, les gentilz hommes de l'hostel où ce nouveau marié demouroit vindrent heurter à l'huys de ceste chambre et apportoient le chaudeau; ilz heurtèrent beaucoup, sans ce que ame respondist. L'espousée en estoit bien excusée, et l'espousé n'avoit pas cause de trop caqueter : « Et qu'est ce cy? dirent ilz. N'ouvrirez-vous pas l'huys? Se vous ne vous hastez, nous le romprons ; le chaudeau, que nous vous apportons, sera tantost tout froid. » Et lors recommencèrent à heurter de plus belle. Mais le nouveau marié ne eust pas dit ung mot pour cent frans, dont ceulx de dehors ne sçavoient que penser, car il n'estoitpas muet de coustume. Au fort, il se leva, et print une longue robe qu'il avoit, et laissa ses compaignons entrer dedans, qui tantost demandèrent se le chaudeau estoit gaigné et qu'ilz l'apportoient à l'adventure. Et lors ung d'entre eulx couvrit la table et mist le banquet dessus, car ilz estoient en lieu pour ce faire, et où rien n'estoit espargné en telz cas et aultres semblables. Hz s'assirent tous au mengier, et bon mary print sa place en une chaire à doz, assez prés de son lit, tant simple et tant piteux qu'on ne le vous sçauroit dire. Et,

quelque chose que les autres dissent, il ne sonnoit pas ung mot, mais se tenoit comme une droite statue ou une ydole entaillie : « Et qu'est ce cy? dist l'ung. Ne prenez vous point garde à la bonne chiere que nous fait nostre oste ? Encores a il à dire ung seul mot. — Ha dea, dist l'aultre, ses bourdes sont rabaissiez. — Par nia foy, dist le tiers, mariage est chose de grant vertu; regardez, quant à une heure qu'il a esté marié, il a ja perdu la force de sa langue. S'il est jamais longuement, je ne donneroye pas maille de tout le surplus! » Et, à la vérité dire, il estoit auparavant ung tresgracieux farseur, et tant bien lui seoit que merveilles ; et ne disoit jamais une parolle, puis qu'il estoit en gogues, qu'elle n'apportast avec elle son ris. Mais il en estoit pour l'heure bien rebouté.

Ces gentilz hommes et ces compaignons beuvoient d'autant et d'autel, et à l'espousé et à l'espousée ; mais au Dyable des deux s'ilz avoient faim de boire : l'ung enraigeoit tout vif, et l'aultre n'estoit pas moins malaisé. « Je ne me congnois en ceste manière, dist ung gentil homme; il nous fault festoier de nous mesmes. Je ne vis jamais homme de si hault esternu

VINGT-NEUVIÈME NOUVELLE ç3

si tost rassis pour une femme; j'ay veu que on n'eust ouy pas Dieu tonner en une compaignie où il feust, et il se tient plus quoy que ung feu couvert ! Ha dea! ses haultes parolles sont bien bas entonnées maintenant ! — Je boy à vous, espousé ! » disoit l'autre. Mais il n'estoit pas plegié, car il jeunoit de boire, de mengier, de bonne chiere faire, et de parler.

Non pourtant, assez bonne pièce après, quant il eust bien esté reprouvé et rigolé de ses compaignons, et comme un sanglier mis aux abois de tous coustez, il dist : « Messeigneurs, quant je vous ay bien entendus, qui me sermonnez si tresfort de parler, je veuil bien que vous sçaichiez que j'ay bien cause de beaucoup penser, et de moy taire tout quoy; et si suis seur qu'il n'y a nul qui en fist autant s'il en avoit le pourquoy comme j'ay. Et, par la mort bieu, se j'estois aussi riche que le Roy, que Monseigneur, et que tous les princes chrestiens, si ne sçauroye je fournir ce qui m'est apparent d'avoir à entretenir. Vecy, pour ung povre coup que j'ay accollé ma femme, elle m'a fait un enfant! Or regardez, se à chascune fois que je recommenceray elle en fait autant, de quoy je pourray nour-

rir le mesnage. — Comment, ung enfant! dirent ses compaignons. — Voire, voire, vraiement, ung enfant! Vecy de quoy, regardez! » Et lors se tourne vers son lit et lieve la couverture et leur monstre : « Tenez, dist il, vêla la vache et le veau! Suis je pas bien party ? »

Plusieurs de la compaignie furent bien esbahys et pardonnèrent à leurhostesa simple chiere, et s'en allèrent chascun en sa chascune. Et le povre nouveau marié abandonna, ceste première nuyt, la nouvelle accouchée, et,doubtant que elle n'en fist une aultre fois autant, oncques puis ne s'y trouva.