PAR MONSEIGNEUR DE EEAUVOIR

!l est vray comme l'Evangile que 'trois bons marchans de Savoye se , mindrenten chemin avec leurs troys ■femmes pour aller en pelerinaige à Sainct Anthoine de Viennois. Et pour y aller plus dévotement rendre à Dieu et à monseigneur sainct Anthoine leur voyaige plus agréable, ilz conclurent avec leurs femmes, dés le partir de leurs maisons, que, tout le voyaige, ils ne coucheroient pas avecques elles, mais en continence yront et viendront. Ils arrivèrent, ung soir, en la ville de Chambery et se logèrent à ung trèsbon logis, et firent au souper tresbonne chiere, comme ceulx qui avoient tresbien de quoy, et

qui tresbien le sceurent faire ; et croy et liens fermement, se ne feust la promesse du voyaige, que chascun eust couché avec sa chascune. Toutesfoys ainsi n'en advint pas, car, quant il fut heure de soy retraire, les femmes donnèrent la bonne nuyt à leurs marys et les laissèrent ; et se boutèrent en une chambre, au plus prés, où elles avoient fait couvrir chascune son lit.

Or devez vous sçavoir que, ce soir propre, arrivèrent leans trois cordeliers qui s'en alloient à Genesve, qui furent ordonnez à coucher en une chambre non pas trop loingtaine de la chambre aux marchandes. Lesquelles, puis qu'elles furent entre elles, commencèrent à deviser de cent mille propos, et sembloit, pour trois qu'il y en avoit, qu'on en oyoit la noise qu'il suffiroit ouyr d'un quarteron.

Ces bons cordeliers, oyans ce bruit de femmes, saillirent de leurs chambres, sans faire effroy ne bruyt, et tant approchèrent de l'huys, sans estre ouys, qu'ilz perceurent ces trois belles damoiselles qui estoient chascune à part elles, en ung beau lit assez grant et large pour le deuxiesme recepvoir d'autre cousté ; puis, se revirerent, et entendirent les marys qui se couchoient en

TRENTIEME NOUVELLE 97

l'autre chambre, et puis dirent que fortune et honneur à ceste heure leur court sus, et qu'ilz ne sont pas dignes d'avoir jamais nulle bonne adventure se ceste, qu'ilz n'ont pas à pourchasser, par lascheté leur eschapoit. « Si, dist l'ung, il ne fault aultre délibération en nostre fait; nous sommes trois, et elles trois : chascun prengne sa place, quant elles seront endormies. »

S'il fut dit, aussi fut il fait ; et si bien vint à ces bons frères cordeliers qu'ilz trouvèrent la clef de la chambre aux femmes dedans l'huys; si l'ouvrirent si tressouefvement qu'ilz ne furent d'ame ouys. Hz ne furent pas si folz, quant ilz eurent gaigné ce premier fort, pour plus seurement assaillir l'aultre, qu'ilz ne tirassent la clef par devers eulx et resserrèrent tresbien l'huys; et puis après, sans plus enquerre, chacun print son quartier et commencèrent à besoignier chacun au mieux qu'il peut. Mais le bon fut que l'une, cuidant avoir son mary, parla et dist : « Que voulez vous faire? Ne vous souvient il de vostre veu?» Et le bon cordelier ne disoit mot, mais faisoit ce pour quoy il estoit venu , de si grant cueur qu'elle ne se peut tenir de luy ayder à paifournir. Les

g8 TRENTIÈME NOUVELLE

autres deux, d'autre part, n'estoient pas oyseux; et ne sçavoient ces bonnes femmes qui menoit leurs maris de si tost rompre et casser leur promesse. Neantmoins, toutesfois, elles, qui doibvent obeyr, le prindrent bien en patience, sans dire mot, chascune doubtant d'estre ouye de sa compaignie, car n'y avoit celle qui, à la vérité, ne cuidast avoir seule et emporter ce bien.

Quant ces bons cordeliers eurent tant fait que plus ne povoyent,ilz se partirent sans dire mot, et retournèrent en leur chambre, chacun comptant son adventure. L'ung avoit rompu trois lances, l'autre quatre, l'autre six. Hz se levèrent matin, pour toute seurté, et tirèrent pays.

Et ces bonnes femmes, qui n'avoyent pas toute la nuyt dormy, ne se levèrent pas trop matin, car sur le jour sommeil les print, qui les fist lever tart. D'autre costé, leurs marys, qui avoient assez bien beu le soir, et qui se attendoyent à l'appeau de leurs femmes, dormoyent au plus fort à l'heure, car es autres jours avoient ja cheminé deux lieues. Au fort, elles se levèrent après le repos du matin, et s'habillèrent le plus roide qu'elles peurent, non pas sans parler. Et, entre elles, celle qui avoit la langue plus preste

TRENTIEME NOUVELLE 99

a'ia dire : « Entre vous, mes damoiselles, comment avez vous passé la nuyt ? Voz mariz vous ont ilz resveillées, comme a fait le mien? Il ne cessa annuyt de faire la besongne. — Sainct Jehan ! dirent elles, si vostre mary a bien besongnié ceste nuyt, les nostres n'ont pas esté oyseux ; ils ont tantost oublié ce qu'ilz promirent au partir, et croyez que on ne leur oubliera pas à dire. — J'en advertis trop bien le mien, dist l'une, quant il commença ; mais il n'en cessa pourtant oncques l'œuvre; et, comme homme affamé, pour deux nuytz qu'il a couchié sans moy, il a faict raige de diligence. »

Quant elles furent prestes, elles vindrent trouver leurs maris, qui desja estoient comme tous prestzet en pourpoint : « Bon jour, bon jour à ces dormeurs ! dirent elles. — Vostre mercy, dirent ilz, qui nous avez si bien huchiez ! — Ma foy, dist i'une, nous avions plus de regret de vous appeler matin que vous n'avez fait annuyt de conscience de rompre et casser vostre veu. — Quel veu? dist l'ung. — Le veu, dist elle, que vous fistes au partir : c'est de non couchier avec vostre femme. — Et qui y a couchié? dist il. — Vous le sçavez bien, dist elle, et aussi fais je. —

IOO TRENTIEME NOUVELLE

Et moy aussi, dist sa compaigne. Velà mon mary, qui ne fut pieça si roide qu'il fut la nuyt passée; et, s'il n'eust si bien fait son devoir, je ne seroye pas si contente de la rompeurede son veu ; mais, au fort, je le passe, car il a fait comme les jeunes enfans qui veulent emploier leur basture quand ilz ont desservy le punir. — Sainct Jehan! si a fait le mien, dist la tierce; mais, au fort, je n'en feray ja procès; se mal y a, il en est cause. — Et je tiens, par ma foy, dist l'ung, que vous resvez et que vous estez yvres de dormir. Quant est de moy, j'ay icy couchié tout seul et n'en partis annuyt. — Non ay je moy, dist l'autre. — Ne moy, par ma foy! dist le tiers; je ne vouldroye pour rien avoir enfraint mon veu. Et si cuide estre seur de mon compère, qui est cy, et de mon voisin, qu'ilz ne l'eussent pas promis pour si tost l'oublier. »

Ces femmes commencèrent à changier de couleur, et se doubterent de tromperie, dont l'ung des marys d'elle tantost se donna garde, et luy jugea le cueur, de la vérité du fait. Si ne leur bailla pas induce de respondre ; ainçois, faisant signe à ses compaignons, dist en riant : « Par ma foy, ma damoiselle, le bon vin de céans et

TRENTIEME NOUVELLE loi

la bonne chiere du soir passé nous ont fait oublier nostre promesse ; si n'en soyez ja mal contentes à l'aventure : se Dieu plaist, nous avons fait annuyt, à vostre ayde, chascun ung bel enfant, qui est chose de si hault mérite qu'elle sera suffisante d'effacer la faulte du cassement de nostre veu. — Or, Dieu le vueille ! dirent elles. Mais ce que si afferméement disiez que n'aviez pas esté vers nous nous a fait ung petit doubter ? — Nous l'avons fait tout à propos, dist l'aultre, affin d'ouyr que vous diriez. — Et vous aviez fait double péché, comme de faulcer vostre veu et de mentir à escient, et nous mesmes aussi aviez beaucoup troublées. — Ne vous chaille non, dit il, c'est peu de choses, mais allez à la messe et nous vous suyverons. »

Elles se misdrent à chemin devers l'église. Et leurs marys demeurèrent ung peu, sans les suyvir trop roide; puis dirent tous ensemble, sans en mentir de mot : « Nous sommes trompez! ces dyables de cordeliers nous ont deceuz; ilz se sont mis en nostre place et nous ont monstre nostre folie : car, se nous ne voulions pas coucher avec noz femmes, il n'estoit ja mestier de les faire coucher hors de nostre chambre, et, s'il

102 TRENTIEME NOUVELLE

y avoit danger de litz, la belle paillade est en saison. — Dea , dist l'ung d'eulx, nous en sommes chastiez pour une aultre foiz; et au fort, il vault myeulx que la tromperie soit seulement sceue de nous que de nous et de elles, car le dangier est bien grant s'il venoit à leur congnoissance. Vous oyez, par leur confession, que ces ribaulx moynes ont fait merveilles d'armes, et espoire plus et mieulx que nous ne sçavons faire? Et se elles le sçavoient, elles ne se passeroient pas pour cette foiz seulement. C'en est mon conseil, que nous l'avalons sans mâcher? — Ainsi me aist Dieu ! ce dist le tiers; mon compère dit tresbien ; quant à moy, je rappelle mon veu, car ce n'est pas mon entention déplus moy mettre en ce dangier. — Puis que vous le voulez, dirent les deux aultres, et nous vous ensuyvrons. » Ainsi couchèrent tout le voyage et femmes et maryz tout ensemble, dont ilz se gardèrent trop bien de dire la cause qui à ce les mouvoit. Et quant les femmes virent ce, si ne fut pas sans demander la cause de ceste reherse. Et ilz respondirent, par couverture, puis qu'ilz avoient commencé de leur veu entrerompre, il ne restoit que du parfaire.

TRENTIEME NOUVELLE

io3

Ainsi furent les trois bons marchans des trois bons cordeliers trompez, sans qu'il venist jamais à la congnoissance de celles qui bien en fussent mortes de deul s'elles en eussent sceu la vérité, comme on voit tous les jours mourir femmes de moindre cas et à moins d'occasion.