LA X 1 1 1 1 - NOUVELLE

PAR MONSEIGNEUR DE CREQUY

a grande et large marche de Bourgoigne n'est pas si despourveue de plusieurs adventures dignes de mémoire et d'escripre que, à fournir les hjstoires qui à présent courent, n'en puisse et doive faire sa part en renc des aultres. Je ne ose avant mettre ne en bruit ce que nagueres y advint assez prés d'ung gros et bon villaige séant sur la rivière d'Ousche. Là avoit et encores ha une montaigne où ung hermite , tel que Dieu sçait, faisoit sa résidence, lequel soubz umbre du doulx manteau d'ypochrisie faisoit des choses merveil-

leuses , qui pas ne vindrent à congnoissance en la voix publique du peuple, jusques ad ce que Dieu plus ne voulut son tresdamnable abus permettre ne souffrir. Ce sainct hermite, qui de son coup à la mort se tiroit, n'estoit pas moins luxurieux ne malicieux que seroit ung vieil cinge ; mais la manière du conduire estoit si subtille qu'il fault dire qu'elle passoit les aultres cautelles communes. Vecy qu'il fist.

Il regarda, entre les aultres femmes et belles filles, la plus digne de estre aymée et désirée: si se pensa que ce estoit la fille à une simple femme vefve, tresdevote et bien aulmoniere; et va conclure en soy-mesmes que , se son sens ne luy fault, il en chevira bien.

Ung soir, environ la mynuyt, qu'il faisoit fort et rude temps, il descendit de sa montaigne , et vint à ce villaige , et tant passa de voyes et sentiers que à l'environ de la mère et la fille , sans estre oiseux, se trouva. L'ostel n'estoit pas si grant, ne si peu de luy hanté tout en devocion, qu'il ne sceust bien les engins. Si va faire ung pertuis en une paroy non gueres espesse, à l'endroit de laquelle estoit le lit de ceste simple femme vefve; et prent un long baston percé et

■creux, dont il estoit hourdé, et, sans la vefve esveiller, auprès de son oreille le mist, et dit en assez basse voix, par trois foys : « Escoute moy, femme de Dieu; je suis ung ange du Créateur, qui devers toy m'envoye te annoncier et commander que , pour les haulx biens qu'il a voulu en toy entrer, qu'il veult , par ung hoir de ta chair, c'est assavoir ta fille , l'Eglise son espouse reunir, refformer et en son estât deu remettre. Et vecy la façon. Tu t'en yras en la montaigne devers le sainct hermite , et ta fille luy mèneras, et bien au long luy compteras ce qu'à présent Dieu par moy te mande. Il congnoistra ta fille , et de eulx viendra ung filz. esleu de Dieu et destiné au sainct Siège de Romme, qui tant de biens fera que à sainct Pierre et sainct Pol l'on le pourra bien comparer. A tant m'en voys. Obeys à Dieu ! » La simple femme vefve, tresesbahye , surprinse aussi et à demy ravye , cuida vrayement, et de fait, que Dieu luy envoyast ce messaiger. Si dist bien en soy mesmes qu'elle ne désobéira pas; et puis la bonne femme se rendort une grande pièce après, non pas trop fermement, attendant et beaucoup désirant le jour. Et, entretant, le bon hermite 'prend le

chemin devers son hermitaige en la montaigne.

Ce tresdesiré jour tantost se monstra et fut par les raiz du soleil , maugré les verrières des fenestres, à coup descendu emmy la chambre de ladicte vefve; et la mère et la fille se levèrent à tresgrant haste. Quant elles furent prestes et sur piedz mises, et leur peu de mesnage mis à point, la bonne mère si demande à sa fille s'elle avoit rien ouy en ceste nuyt. Et la fille luy respond : « Certes, mère, nennil. — Ce n'est pas à toy, dist elle aussi, que de prinssault ce doulx messaige s'adresse , combien qu'il te touche beaucoup. » Lors luy va dire et racompter tout au long l'angelicque nouvelle que en ceste nuyt Dieu luy manda ; demande aussi qu'elle en veult dire. La bonne fille , comme sa mère simple et dévote, respond: «Dieu soit loué! Tout ce qu'il vous plaist, ma mère, soit fait! — C'est tresbien dit, respond la mère. Or nous en alons à la montaigne, à la semonce du bon ange, devers le sainct preudhomme. »

Le bon hermite , faisant le guet quant la deceue femme sa simple fille ameneroit, la voit venir. Si laisse son huys entreouvert, et en prière se va mettre emmy sa chambre , affin qu'en de-

votion feust trouvé. Et comme il desiroit il advint, car la bonne femme et sa fille aussi, voyans l'huys entreouvert, sans demander quoy ne comment, dedans entrèrent. Et comme elles parceurent l'hermite en contemplacion , comme s'il feust Dieu, l'honnourerent. L'hermite, à voix humble, en cachant les yeulx et vers la terre enclinez, dist : « Dieu salve la compaignie ! » Et la povre vieillote , désirant qu'il sceut la chose qui l'amenoit , le tira à part et lui va dire , de chief en bout, tout le fait, qu'il sçavoit trop mieulx qu'elle. Et comme en grande révérence faisoit son rapport , le bon hermite gettoit les yeulx en hault, joygnoit les mains au ciel; et la bonne vieille plouroit, tant avoit de joye et de pitié. Et la povre fille aussi plouroit quant elle véoit ce bon et sainct hermite en si grande devocion prier et ne sçavoit pourquoy.

Quant ce rapport fut tout au long achevé , dont la vieillote altendoit la response, celluy qui la doit faire ne se haste pas. Au fort, certaine pièce après, quant il parla, ce fut en disant: «Dieu soit loué! Mais, m'amye, dit il, vous semble il, à la vérité, et à vostre entendement, que ce que droit cy vous me dictes ne soit point

fantasie ou illusion, que vous en juge le cueur? Sçachez que la chose est grande. — Certainement, beau père, j'entendy la voix, qui ceste joyeuse jjouvelle me aporta, aussi plainement que je fais vous, et créez que je ne dormoie pas. — Or bien, dist il, non pas que je vueille contredire au vouloir de mon Créateur, se me semble il bon que vous et moy dormirons encores sur ce fait, et, si vous appert de rechief, vous reviendrez icy vers moy, et Dieu nous donnera bon conseil et advis. On ne doit pas trop legierement croire, ma bonne mère; le Dyable, qui est aucunesfois envieux d'aultruy bien, treuve tant de cautelles, et se transforme en angle de lumière. Créez, créez, ma mère, que ce n'est pas peu de chose de ce fait cy; et, se je y metz ung peu de reffus , ce n'est pas merveilles : n'ay je pas à Dieu voué chasteté ? Et vous m'apportez la rompeure de par luy ! Retournez en vostre maison, et priez Dieu, et au surplus demain nous verrons que ce sera , et à Dieu soyez ! » Après ung grant tas de agyos , se part la compaignie de l'hermite , et vindrent à l'ostel, tout devisant.

Pour abregier, nostre hermite, à l'heure ac-

coustumée et deue, fourny du baston creux, en lieu de potence, revient à l'oreille de la simple femme, disant les propres motz, ou en substance, de la nuyt précédente; et, ce fait, incontinent, sans autre chose faire, retourne à son hermitaige. La bonne femme, emprinse de joye, cuidant Dieu tenir par les piez, se lieve de haulte heure, et à sa fille raconte toutes ces nouvelles sans doubte , et confermant la vision de l'autre nuyt passée. « Il n'est que d'abregier : or allons devers le saint homme ! »

Elles s'en vont, et il les regarde approucher ; si va prendre son bréviaire, faisant de l'ypocrite. Et pensez que il le faisoit en grant devocion , Dieu le sçait. Et puis, après son service, print à recommencer, et en cest estât, devant l'huys de sa maisonnette, se fait des bonnes femmes saluer. Et pensez que, se la vieille luy fist hyer ung grant prologue de sa vision, celuy de maintenant n'est de riens moindre : dont le preudhomme se signe du signe de la croix, faisant grans admiradons à merveilles, disant: «Mon Dieu, mon créateur, qu'est cecy? Fay de moy tout ce qu'il te plaist, combien que, se n'estoit ta large grâce, je ne suis pas digne d'escouter ung si grant

3o QUATORZIÈME NOUVELLE

oeuvre ! — Or regardez , beau père , dist lors la bonne femme abusée et follement deceue , vous voyez bien que c'est à certes, quant de rechief s'est apparu l'angle vers moy. — En vérité, ma mye, ceste matière est si haulte et si tresdifficile et non accoustumée que je n'en sçauroye bailler que doubteuse response : non mie affin que vous entendez seurement que, en attendant la tierce apparicion , je veuille que vous tentez Dieu ; mais on dit de coustume : A la tierce foys va la luyie. Si vous prie et requiers que encores se puisse passer ceste nuit sans autre chose faire, attendant sur ce fait la grâce de Dieu ; et se , par sa grande miséricorde, il lui plaise nous demonstrer annuyt comme les autres nuytz précédentes, nous ferons tant qu'il en sera loué. » Ce ne fut pas du bon gré de la simple vieille qu'on tardast tant d'obeyr à Dieu , mais, au fort, l'hermite est creu- comme le plus saige.

Comme elle fut couchée , ou parfond des nouvelles qui en teste luy viennent, l'ypochrite pervers, de sa montaigne descendu, luy met son baston creux à l'oreille , ainsi comme il avoit de coustume , en luy commandant de par Dieu , comme son angle, une foys pour toutes, qu'elle

QUATORZIÈME NOUVELLE 3l

maine sa fille à l'hermite pour la cause que dit est. Elle n'oublia pas, tantost qu'il fut jour, ceste charge, car, après les grâces à Dieu de par elle et sa fille rendues, se mettent au chemin par devers l'hermitage, où l'hermite leur vint au devant, qui de Dieu les salue et begnie. Et la bonne mère, trop plus que nulle autre joyeuse, ne lui cela gueres sa nouvelle apparicion : dont l'hermite, qui par la main la tient, en sa chappelle la convoyé, et la fille aussi va après. Et leans font leurs tresdevotes oraisons à Dieu le tout puissant, qui ce treshault mystère leur a daigné demonstrer.

Après ung peu de sermon que fist l'hermite touchant songes, visions, apparicions et revelacions , qui souvent aux gens adviennent, et il chust en propos de touchier leur matière, pour laquelle estoient assemblez. Et pensez que l'hermite les prescha bien et en bonne devocion , Dieu le sçait. « Puis que Dieu veult et commande que je fasse lignie papale, et le daigne révéler non pas une fois ou deux seulement, mais la tierce d'abondance, il faut dire, croire et conclure que c'est ung hault bien qui de ce fait s'en ensuyvera. Si m'est advis que mieulx on ne peut

faire que d'abregier l'excecucion , en lieu de ce que trop j'ay différé de bailler foy à la saincte apparicion. — Vous dictes bien, beau père. Comment vous plaist il faire? respond la vieille. — Vous laisserez céans, dist l'hermite , vostre belle fille, et elle et moy en oraisons nous mettrons, et au surplus ferons ce que Dieu nous apprendra. » La bonne femme vefve en fut contente, et aussi fut sa fille, pour obéir.

Quant nostre hermite se treuve à part avecques la belle fille, comme s'il la voulsist rebaptiser, toute nue la fait despoillier ; et pensez que l'hermite ne demoura pas vestu. Qu'en vauldroit le long compte ? Il la tint tant et si longuement avecques luy, en lieu d'aultre clerc; tant alla aussi et vint à l'ostel d'elle, pour la doubte des gens, et aussi pour honte qu'elle n'osoit partir de la maison ; car bientost après le ventre si luy commença à bourser ; dont elle fut si joyeuse qu'on ne vous le sçauroit dire. Mais, se la fille s'esjouyssoit de sa portée, la mère d'elle en avoit à cent doubles joyes ; et le mauldit bigot faignoit aussi s'en esjouyr, mais il en enrageoit tout vif.

Ceste povre mère abusée , cuidant de vray

que sa fille deust faire ung tresbeau filz, pour le temps advenir, de Dieu esleu pape de Romme, ne se peult tenir qu'à sa plus privée voisine ne le comptast, qui aussi esbahye en fut comme se cornes luy venoient, non pas toutesfois qu'elle ne se doubtast de tromperie. Elle ne cella pas longuement aux autres voisins et voisines comment la fille d'une telle estoit grosse, par les oeuvres du sainct hermite, d'ung filz qui doit estre pape de Romme. « Et ce que j'en sçay, dist elle, la mère d'elle le m'a dit, à qui Dieu l'a voulu révéler. » Ceste nouvelle fut tantost espandue par les villes voisines.

Et, en ce temps pendant, la fille s'accoucha, qui à la bonne heure d'une belle fille se délivra : dont elle fut esmerveillée et courroucée, et sa tressimple mère, et les voisines aussi, qui attendoient vraiement le saint Père advenir recevoir. La nouvelle de ce cas ne fut pas moins tost sceue que celle précédente ; et, entre aultres, l'hermite en fut des premiers advertis, qui tantost s'en fouit en ung autre pays, ne sçay quel, une autre femme ou fille decepvoir, ou, es desers d'Egipte, de cueur contrit, la pénitence de son pechié satisfaire.

Quoy que soit ou fut, la povre fille en fut deshonnorée, dont ce fut grant dommaige car, belle, bonne et gente estoit.