RACOMPTEE PAR MONSEIGNEUR DE LA BARDE

n gentil escuier de ce royaulme , bien renommé et de grant bruit, devint amoureux, à Rohan, d'une <fesB§l^2É. tresbelle damoiselle, et fist toutes ses diligences de parvenir à sa grâce. Mais fortune luy fut si contraire, et sa dame si peu gracieuse, qu'enfin il abandonna sa queste comme par desespoir. Il n'eut pas trop grant tort de ce faire, car elle estoit ailleurs pourveue, non pas qu'il en sceust rien, combien qu'il s'en doubtast. Toutesfoyz, celuy qui en jouyssoit, qui chevalier et homme de grant auctorité estoit,

n'estoit pas si peu privé de luy qu'il n'estoit gueres chose au monde dont il ne se feust bien à luy descouvert, sinon de ce cas. Trop bien luy disoit il souvent : « Par ma foy, mon amy, je vueil bien que tu sçaches que j'ay un retour en ceste ville, dont je suis beaucoup assoté ; car, quant je n'y suis, je suis tant parforcé de travail et si rebouté qu'on ne tireroit point de moy une lieuette de chemin ; et, se je me treuve vers elle, je suis homme pour en faire trois ou quatre, voire les deux tout d'une alaine. — Et n'est il requeste ne prière, disoit l'escuyer, que je vous sceusse faire que je sceusse tant seulement le nom de celle ? — Nenny, par ma foy ! dist l'aultre : tu n'en sçauras plus avant. — Or bien, dist l'escuier, quant je seray si heureux que d'avoir riens de beau, je vous seray aussy peu privé que vous m'estes estrange. »

Advint, ce temps pendant, que ce bon chevalier le pria de souper au chasteau de Rohan, où il estoit logié. Et il y vint, et firent tresbonne chiere. Et quant le souper fut passé et aucun peu de devises après, le gentil chevalier, qui avoit heure assignée d'aller vers sa dame, donna congé à l'escuier, et dist: «Vous sçavez que

nous avons demain beaucoup à besoingner, et qu'il nous fault lever matin pour telle matière, et. pour telle, qu'il faut expédier ; c'est bon de nous coucher de bonne heure, et, pour ce, je vous donne la bonne nuyt. » L'escuier, qui estoit subtil, et ce voyant, doubta tantost que ce bon chevalier vouloit aller coucher, et qu'il se couvroit, pour luy donner congié, des besoingnes de lendemain ; mais il n'en fist quelque semblant ; ainçoys dist, en prenant congié et donnant la bonne nuyt : « Monseigneur, vous dictes bien ; levez vous matin, et aussi feray je. »

Quant ce bon escuier fut en bas descendu, il trouva une petite mullette au pié du chasteau, et ne vit ame qui la gardast ; si pensa tantost que le paige qu'il avoit rencontré, en descendant, alloit quérir la housse de son maistre, et aussi faisoit il : « Ha ! dist il en soy mesmes, mon hostene m'a pas donné congié de si haulte heure sans cause; vecy sa mullette qui n'attent aultre chose que je soye en voye pour aller où on ne veult pas que je soye. Ha ! mullette, dist il, se tu sçavois parler, tu diroys de bonnes choses ; je te prie que tu me maines où ton maistre

veult estre? » Et, à ce coup, il se fist tenir l'estrief par son paige et monta dessus ; et luy mist la resne sur le col, et la laissa aller où bon luy sembla, tout le beau pas. Et la bonne mullette le mena par rues et ruettes, deçà et delà, tant qu'elle vint arrester au devant d'ung petit guichet qui estoit en une rue oblique, où son maistre avoit accoustumé de venir. Et estoit l'huys du jardin delà damoiselle qu'il avoit tant aymée et par desespoir abandonnée.

Il mist pié à terre et puis heurta ung petit coup au guichet, et une damoiselle, qui faisoit le guet par une faulce treille, cuidant que ce fust le chevalier, s'en vint en bas et ouvrit l'huys, et dist : « Monseigneur, vous soyez le tresbien venu ; vêla ma damoiselle en sa chambre, qui vous attent. »' Elle ne le congneut point, pource qu'il estoit tard, et avoit une cornette de veloux devant son visaige. Adonc l'escuier respondit : « Je voys vers elle ! » Et puis dist à son paige tout bas en l'oreille : «Va t'en bien à haste, et remaine la mullette où je l'ay prinse, et puis t'en va couchier. — Si feray je, » dist il. La damoiselle resserra le guichet, et s'en retourna en sa chambre.

Et nostre bon escuier, tresfort pensant à sa besongne, marcha tresserréement vers la chambre où sa dame estoit, laquelle il trouva desja mise en sa cotte simple, la grosse chaine d'or au col. Et comme il estoit gracieux, courtois et bien emparlé, la salua bien honnorabiement. Et elle, qui fut tant esbahye que se cornes luy fussent venues, de prinsault ne sceut que respondre, sinon à une pièce après, qu'elle luy demanda qu'il queroit leans, et dont il venoit à ceste heure, et qui l'avoit bouté dedans : « Ma damoiselle, dist il, vos povez assez penser que, se je n'eusse eu autre ayde que moymesmes, que je ne fusse pas icy ; mais, la Dieu mercv, ung qui a plus grant pitié de moy que vous n'avez encores eu m'a fait cest avantaige. — Et qui vous a amené, sire ? dist elle. — Par ma foy, ma damoiselle, je ne le vous quiers ja celer ; ung tel seigneur, c'est assavoir son hoste du souper, m'y a envoie. — Ha ! dist elle, le traistre et desloyal chevalier qu'il est, se trompe il en ce point de moy? Or bien, j'en seray vengée quelque jour! — Ha! ma damoiselle, dist Pescuier, ce n'est pas bien dit à vous, car ce n'est pas traïson de faire plaisir à son amy et lui faire secours et ser-

b TRENTE ET UNIEME NOUVELLE

vice, quant on le peut faire. Vous sçavez bien la grant amitié qui est de pieça entre luy et moy, et qu'il n'y a celui qui ne die à son compaignon tout ce qu'il a sur le cueur ? Or est ainsi qu'il n'y a pas long temps que je luy comptay et confessay tout le long de la grant amour que je vous porte, et que à ceste cause je n'avoye nul bien en ce monde ; et, se par aucune façon je ne parvenoye en vostre bonne grâce, il ne m'estoit pas possible de longuement vivre en ce douloureux martyre. Quant le bon seigneur a congneu à la vérité que mes parolles n'estoient pas faintes, doubtant le grant inconvénient qui en pourroit sourdre, a fait bien de me dire ce qui est entre vous deux ; et ayme mieulx yous abandonner, en moy saulvant la vie, que, en moy perdant, maleureusement vous entretenir. Et se vous eussiez esté telle que vous devenez, vous n'eussiez pas tant attendu de bailler confort ou guerison à moy vostre obeyssant serviteur, qui sçavez certainement que je vous ay loyaulment servie et obeye. — Je vous requiers, dist elle, que vous ne me parlez plus de cela, et vous en allez hors d'icy ? Mauldit soit celuy qui vous y fist venir ! — Sçavez vous qu'il y a, ma

damoiselle? Ce n'est, dist il, pas mon intencion de partir d'icy qu'il ne soit demain. — Par ma foy, dist elle, si ferez, tout maintenant ! — Par la mort bieu, non feray, car je coucheray avecques vous. »

Quant elle vit que c'estoit à bon escient et qu'il n'estoit pas homme pour enchacier par rudes parolles, elle luy cuida donner congié par doulceur, et dist : « Je vous prie tant que je puis, allez vous en pour meshuy ; et par ma foy, je feray une aultre fois ce que vous vouldrez. — Dea, dist il, n'en parlez plus, car je coucheray annuyt avecques vous. » Et lors commence à soy despouiller, et prent la damoiselle et la maine banqueter. Et fist tant, pour abregier, qu'elle se coucha et luy emprés elle.

Hz n'eurentgueresesté couchiez, ne plus couru d'une lance, que vecy bon chevalier qui va venir sur sa mullette, et vint heurter au guichet. Et le bon escuier, qui l'ouyt, le congneut tantost; si commença à glappir, contrefaisant le chien tresfierement. Le chevalier, quant il ouyt, il fut bien esbahy et autant courroucé. Si reheurte de plus belle tresrudement au guichet, et l'aultre de recommencer à glappir plus fièrement que de-

vant : « Qui est ce là quigrongne? dit celuy de dehors. Par la mort bieu,je le sçauray! Ouvrez l'huys, ou je le porteray en la place! » Et la bonne gentil femme , cjui enraigeoit toute vive , saillit à la fenestre , en sa cotte simple, et dist : « Estes vous faulx et desloyal chevalier ! Vous avez beau heurter, vous n'y entrerez pas! — Pourquoy n'y entreray je pas ? dist il. — Pource, dist elle, que vous estes le plus desloyal qui jamais femme accoinstast; et n'estes pas digne de vous trouver avecques gens de bien. — Ma damoiselle, dist il, vous blasonnez tresbien mes armes ! Je ne sçay qui vous meut, car je ne vous ay pas fait desloyauté, que je sçaiche. — Si avez, dist elle, et la plus grande que jamais homme fîst à femme. — Non ay, par ma foy! Mais dictes moy qui est là dedans ? — Vous le sçavez bien, dist elle^ traistre mauvais que vous estes! » Et, à ceste foys, bon escuier, qui estoit ou lit, commença à glappir , contrefaisant le chien , comme par avant: « A dea! dist celuy de dehors, je n'entens point cecy ; et ne sçauray je point qui est ce grongneur? — Sainct Jehan! si ferez, » dit l'escuier. Et il sault sus et vint à la fenestre d'emprés sa dame, et dist : « Que vous

plaist il, Monseigneur? Vous avez tort de nous ainsi resveiller. »

Le bon chevalier, quant il congneut qu'elle partait à luy, fut tant eshaby que merveilles. Et quant il parla, il dist: « Et dont viens tu cy? — Je viens de souper de vostre maison, pour coucher céans. — A maie faulte ! » dist il. Et puis adreça sa parolle à la damoiselle et dist : « Ma damoiselle, hébergez vous telz hostes céans? — Nenny, Monseigneur, dist elle ; la vostre mercy, qui me l'avez envoyé. — Moy ! dist il, Sainct Jehan! non ay! Je suis mesmes venu pour y trouver ma place, mais c'est trop tart ! Et, au moins, je vous prie, puis que je n'en puis avoir aucune chose, ouvrez moy l'huys? Si boiray une fois. — Vous n'y entrerez, par Dieu, ja ! dist elle. — Sainct Jehan ! si feray, » dist l'escuier. Lors descendit et ouvrit l'huys, et s'en vint recouchier, et elle aussi, Dieu sçait,bien honteuse et bien mal contente.

Quant le bon seigneur fut dedans, et il eut alumé de la chandelle, il regarde la belle compaignie dedans le lit, et dist: « Bon preu vous fasse, ma damoiselle, et à vous aussi, mon escuier — Bien grant merci, Monseigneur! » dist

il. Mais la damoiselle, qui plus ne povoit se le cueur ne luy sailloit dehors du ventre, ne peut oncques dire ung seul mot. Et cuidoit tout certainement que l'escuier fut leans arrivé par l'advertissement et conduicte du chevalier; si luy en vouloit tant de mal que on ne vous le sçairoit dire. « Et qui vous a enseigné la voye de céans, mon escuier? distle chevalier. — Vostre mullette, Monseigneur, dist il, que je trouvay en bas, ou chasteau, quant j'eus soupe avec vous; elle estoit là, seule et esgarée : si luy demanday qu'elle attendoit, et elle me respont qu'elle n'attendoit que sa housse et vous. « Et pour où aller? dis « je. — Où avons de coustume , dist elle. — Je a sçay bien, dis je, que ton maistre ne ira mes- < huy dehors, car il se va couchier ; mais maine « moy làoù tu sçais qu'il va de coustume, et je a t'en prie. » Elle en fut contente ; si montay sus elle, et elle m'adreça céans, la sienne bonne mercy ! — Dieu mette en mal an l'orde beste , dist le bon seigneur , qui m'a encusé ! — Ha ! que vous le valez loyaulment, Monseigneur ! dist la damoiselle, quant elle peut prendre la peine déparier. Je voy bien que vous trompez de moy, mais je vueil bien que vous sçaichez que vous

TRENTE ET UNIEME NOUVELLE l3

n'y aurez gueres d'honneur. Il n'estoit ja mestier, se vous n'y vouliez plus venir, de y envoyer aultruy soubz umbre de vous. Mal vous congnoist qui oncques ne vous vit ! — Par la mort bien ! je ne luy ay pas envoyé, dist il; mais, puis qu'il y est , je ne l'en chaceray pas ; et aussi il y en a assez pour nous deux; n'a pas, mon compaignon ? — Ouy> Monseigneur, dist il, tout au butin, et je le vueil ; si nous fault boire du marché. » Et lors se tourna vers le dressoir, et versa du vin en une grant tasse que y estoit, et dist : < Je boy à vous, mon compaignon ! » et puis fist verser de l'aultre vin, et le bailla à la damoiselle, qui ne vouloit nullement boire; mais, en la fin, voulsist ou non, elle baisa la tasse. « Or çà, dist le gentil chevalier, mon compaignon, je vous laisseray icy; besoignez bien vostre tour aujourd'huy, le mien sera demain, se Dieu plaist ; si vous prie que vous me soyez aussi gracieux , quant vous m'y trouverez, que je vous suis maintenant. — Nostre Dame ! mon compaignon, aussi seray je, ne vous doublez. »

Ainsi s'en alla le bon chevalier et laissa l'escuier, qui fist au mieulx qu'il peut ceste première nuit; et advertit la damoiselle de tous pointzde

la vérité de son adventure , dont elle fut ung peu plus contente que se l'aultre luy eust envoyé. Ainsi fut la belle damoiselle deceue par la mullette et contrainte d'obeyr et au chevalier et à l'escuier, chascun à son tour : dont en la fin elle s'accoustuma et tresbien le print en patience. Mais tant de bien y eut que, se le chevalier et i'escuier s'entraimoient bien par avant ceste adventure, l'amour d'entre eulx à ceste occasion fut redoublée, qui, entre aucuns mal conseilliez, eust engendré discort et mortelle haine.

LA XXXIIe NOUVELLE