CHAPITRE vn

Comment Pantagruel vint à Paris, et -des beaulx livres de la librairie

de Sainct Victor.

Après que Pantagruel eut fort bien estudié en Aurélians (1) il délibéra visiter la grande université de Paris

Vint à Paris avecques ses gens ce faict, et à son entrée tout le monde sortit hors pour le veoir, comme vous scavez bien que le peuple de Paris est sot par nature, par béquarre et par bémol ; et le regardoyent en grand esbahyssement et non sans grande peur qu'il n'emportast le Palais ailleurs, en quelque pays a remotis, comme son père avoit emporté les campanes cloches de Nostre Dame, pour attacher au col de sa jument. Et, après quelque espace de temps qu'il y eut demouréet fort bien estudié en tous les sept ars libéraulx, il disoit que

(1) Orléans i

c'estoit une bonne ville pour vivre. Et trouva la librairie de Sainct Victor (1) fort magnificque, mesmement d'aulcuns livres qu'il y trouva, des quelz s'ensuit le répertoire, et primo : (2) Desquelz aulcuns sont ja imprimez, et les aultres Ton imprime maintenant en cesle noble ville de Tubinge.