SERVICE DE LA SAINTE CÈNE

Extraits.

..Puis le ministre invite l'Église, à rendre grâces par ceste petite pré- Après la face : Je pense qu'il n'y a personne de vous qui en soymesme ne sente Communion. par le tesmoignage de ceste Cène, la force et le fruict de nostre communion avec le Seigneur Christ, en son corps et sang, à savoir le repos et paix de vostre conscience, à cause de l'innocence, justice, mérite, et victoire du Seigneur Christ : toutes lesquelles choses sont aussy certainement nostres, par l'usage de ceste Cène, comme nous avons tesmoigné, par l'institution d'iceluy Christ, que nous savons pour certain avoir par-

24 LES ÉGLISES DU REFUCxE EN ANGLETERRE.

ticipé de noz mains et de nostre bouche à ce pain et vin de la Gène. J'espère aussy que vous tous, en vostre assiète a ceste Gène, avez regardé des yeux de vostre foy, ceste assiète bienheureuse une fois au Royaume de Dieu, avec Abraham, Isaac et Jacob. Et que tous en estes autant certains, par la fiance de la justice, mérite, et vicloii'e du Seigneur Christ, en la communion desquelles choses nous sommes maintenant scellez, comme certainement nous nous sommes maintenant assis ensemble tous à ceste table du Seigneur. D'avantage je ne doubte point, que vous semblablement n'ayez senti en voz cœurs, par le S. Esprit, un mouvement pour rendre grâces à la bénignité divine, pour ces tant grandz bénéfices qu'il nous a donnés au Seigneur Christ: et qu'il nous faut monstrer tous devoirs selon nostre pouvoir, de nostre gratitude^ à savoir que nous taschions en toutes manières d'exprimer la justice, mérite, et victoire du Seigneur Christ, qui nous est ja donnée : et que de rechef nous ne souillons par nos péchez si excellens dons de Dieu en nous, et que ne les repoussions de nous par nostre impiété. Je croy certes que vous sentez toutes ces choses en voz cœurs, par le bénéfice du sainct Esprit^ et pourtant c'est bien raison que pour l'amour de tous ces dons, en nous prosternans, nous rendions grâces à nostre Dieu et Père : et le prions humblement^ que soyons confirmez en iceux de jour en jour, et de plus en plus durant toute nostre vie.

Seigneur Dieu, nostre Père céleste nous rendons grâces à ta majesté divine, par ton filz Jésus Christ, nostre Seigneur et rédempteur, de ce qu'il t'a pieu nous rappeler en iceluy ton filz^ de la mort éternelle soubz laquelle nous estions enclos ; par la purgation de tous noz péchez, en sa mort, et par la communion qui nous est donnée libéralement de toute sa justice, mérite, et victoire, laquelle seule regardant en ta providence éternelle, tu nous as esleuz à la vie éternelle, estans enclos au corps d'iceluy ton filz, devant la constitution du monde. Et de ce qu'il t'a pieu nous le donner pour nostre viande et réfection, à cause de nostre infirmité naturelle, laquelle a besoing de remèdes continuelz, soubz le ministère institué par luy de ta parolle divine, et des Sacremens en son Église : ce que maintenant par ta grâce nous avons mis en efi^ect. Nous recognoissons toutes ces choses estre certes dons libéraux de ta bonté ineflable, et miséricorde divine, que tu nous as donnés sans notre mérite: mais aussy nous recognoissons, en nous mesmes, nostre infirmité et misère ; c'est que de nous mesmes nous ne pouvons retenir ces tiens dons, ne tesmoi-

gner notre gratitude envers toy comme nous devons. Ainsy donc estans prosternez à tes piedz, nous te rendons grâces, o père très béning, pour ces tiens bénéfices. Pareillement nous te prions humblement, par iceluy ton filz, qu'il te plaise conserver en nous, jusques à la fin, ceste nostre conjonction en un corps avec le Seigneur Christ ; laquelle dès longtemps tu as bénignement commencée en ta providence éternelle, et nous confirmer en ceste foy par ton Sainct Esprit, journellement et de plus en plus: afin que, ores que de nous mesmes nous ne puissions rien^ toutesfois qu'au dedans nous puissions sentir en nos cœurs les fruictz de nostre foy, par le renouvellement de nostre esprit et de noz affections, et la déclarer aussy aucunement devant ton Église, par les devoirs de charité : si que ton nom vénérable soit entre nous réputé vrayment sainct et sainctement honnoré en toute la terre. Qui sans cela es bény sur toutes choses, toy seul, unique, vray et éternel Dieu, en ta trinité divine. Ainsy soit-il.