L EXCOMMUNICATION

Prière. ^ère éternel tout puissant et miséricordieux, qui selon ta miséricorde

gratuite et bonne volonté envers nous en Christ, ne veux point la mort du pécheur, ains plus tost que par l'inspiration de ton sainct Esprit, il se convertisse et vive; et tesmoignes que telle est la force de ta divine parolle, que comme un marteau elle diminue et brise puissamment les pierres mesmes : voicy qu'estans prosternez humblement devant tes yeux, nous te prions par le nom de ton fîlz bien aymé, qu'il te plaise amollir à pénitence, par la vertu de ta parolle, moyennant ton S. Esprit, le cœur et l'esprit de cestuy nostre frère N. jusqu'à présent endurcy comme une pierre, et chasser par la lumière de ta grâce divine les ténèbres de son esprit : afin que finalement il sente en son cœur qu'il a grièvement offencé, premièrement contre toi, ô Père très bénin, et puis contre ton Eglise; et qu'il accuse ce sien péché devant loy et cesle Église, et qu'il le déplore avecques nous : afin que malgré nous ne soyons contrains par son impénitence, de l'exclure avec nostre pleur, de ton corps mystique, ains que plustost nous le retenions avec joye et liesse, comme membre vif de ton filz, en ceste sienne Église. Exauce nous, ô Père miséricordieux, crians à toy au nom de ton filz bien aymé: et r'appelle de rechef cestuy nostre frère impénitent, et ja prochain de ruyne, à la voye par la parolle de ta vertu, afin que nous tous qui plorons devant toy, à cause de son obstination, nous puissions nous resjouyr, et luy faire feste pour sa repentance, et célébrer avec joye en ceste nostre assemblée ton nom vénérable. Vray est que sommes indignes d'estre exaucez de toy, ô Père très sainct, veu que nous t'irritons par nos péchez continuelz: mais ne nous regardes pas en nous, ains en ton filz bien aymé, lequel tu as ordonné selon ta miséricorde pour nostre Chef, Advocat, Évesque, Médiateur et l'ropitiateur. Nous te prions que tu regardes miséricordieusement à luy, et au mérite de sa mort pour nous, et à nostre acceptation en son sang : et ne souffre que le sang très innocent de ton filz, respandu pour cestuy nostre frère impénitent, et pour nous tous, soit prophané par les ruses et tyrannies de Sathan. Encline les oreilles de la miséricorde, ù Père très libéral, aux prières de ce tien peuple, invoquant ton nom sainct avec pleur, pour ce frère impénitent, a fin que par ton bénéfice il soit plustost guary que d'estre retranché de

ton corps, en ruyne perpétuelle. Ces choses te demandons-nous par la fiance de nostre Chef et Médiateur Jésus Christ, selon la manière qu'il nous a ordonnée : Noslre Père etc.

Après ceste prière le ministre observe si le frère impénitent ne viendra point en avant pour donner quelque signe de repentance. . . .

Hommes frères, puisque vous voyez que nostre frère N. impénitent, a Admonition péché en tant de manières, contre le Seigneur, et ceste sienne Église, « l'Eglise. comme vous avez ouy : et qu'on ne l'a peu aucunement induire à repentance, et ({u'il appert par le tesmoignage de la parolle de Dieu qu'il est décheu du Royaume des cieux, et de la société heureuse du Seigneur Christ : et qu'il nous faut faire, combien qu'enuy, avec dueil publique de nous tous, ce que nous savons estre nostre devoir et office, selon le commandement du Seigneur Christ, et l'observation Apostolique. C'est que nous sommes instruis par le tesmoignage de la parolle de nostre Seigneur Christ, ceux là n'estre de sa compagnie, lesquelz aussy nous testifions et déclarons par l'excommunication qu'il a instituée, n'estre de la nostre en luy. Or afin que nous ne le fassions seulement en nostre nom, ains en celuy du Seigneur Christ avec sa vertu et puissance, nous prosternans à genoux, nous invoquerons le mesme Seigneur Christ, devant lequel tout genoil doit fléchir, en ceste manière :

0 Seigneur Jésus Christ; Roy unique et éternel de ton Église, qui as Invocation commandé par la parolle de ta bouche divine, que ceux qui estans admon- avec l'excomnestez de leur péché, mespriseroyent toutes les admonitions que tu as "^^^'^^«^«"on. instituées, soyent rejettez de la communion de ton Église, et estimez comme payens et ethniques , obéissans donc à ceste tienne institution que tes Apostres aussy nous ont recommandée : voicy nous sommes assemblez en ton nom, pour exclure N. nostre frère obstiné et impénitent en son péché et mespris de ceste tienne Église, avec ta vertu et puissance, de l'assemblée de nostre corps, à la gloire de ton nom très sacré, et aussy à la conservation et édification de ceste nostre Église, et pour le dernier remède de la rébellion et obstination de nostre dit frère impénitent. Et pourtant que tu nous as promis d'estre tousjours avecques nous, estans assemblez en ton nom, et principalement au Ministère de ton Église ; et aussy de nous gouverner par ton sainct Esprit, nous te prions humblement qu'il te plaise gouverner par la vertu de ton sainct Esprit, et rendre puissant ce nostre Ministère, et estre avecques nous par ta vertu, pour séparer nostre frère impénitent de nostre compagnie : et ja nous confîans en III s

tes paroUes, et estans instruis par la vertu de ton Esprit vénérable, ô Seigneur nostre Roy, Docteur et Evesque éternel, nous séparons et retranchons publiquement en ton nom, puissance et autorité, cestuy nostre frère impénitent N. jusques à présent contempteur obstiné de toutes les admonitions Ecclésiastiques, comme membre nuisible à noslre corps, en la présence de ta majesté divine, et de toute ceste tienne Église, de nostre compagnie et de sa société salutaire : ayans cependant compassion de son mal, selon la charge de nostre Ministère, et prononçons qu'il est aussy lié au ciel, selon la doctrine de ta parolle : et le déclarons à tous fidèles pour rejette dehors, et qu'il le faut estimer comme homme ethnique et publiquain : et en regret , suyvant ton Apostre Paul, nous le livrons à Sathan, à la destruction de sa chair, s'il ce peut faire aucunement, qu'estant morte par les afflictions que Sathan lui fera, il puisse encor à la fin par ton bénéfice estre sauvé, et comme ressuscité en son esprit : car tu es venu sauver ce qui estoit péry, et pour faire cesser la tyrannie de celuy qui avoit l'empire de mort sur nous, à cause de nostre péché, qui vis et règne avec Dieu ton père, et le Sainct Esprit,, un Dieu en trois personnes éternellement. Ainsy soit-il.

Prière. Père céleste et tout puissant, qui as en ta main les cœurs de tous à

leur salut : nous te prions humblement, par ton filz Jésus Christ, qu'il te plaise de toucher par ta vertu le cœur obstiné de cest excommunié, et le fléchir par l'inspiration de ton S. Esprit : Afin qu'il sente en son cœur, la sévérité de ton jugement, à l'encontre de son péché, qu'il recognoisse en icéluy sa faute, qu'il l'accuse devant toy, et qu'en ycelle il se desplaise de tout son cœur, et qu'il en demande pardon , premièrement devant toy, par le nom de ton filz bien aymé, et à ceste tienne Église, laquelle il a oflencée. Et à la fin estant ainsy converty, et de rechef receu en ta grâce, il puisse estre délivré de la puissance de Sathan, en laquelle il est détenu : et qu'il nous r'apporte plus de joye par sa repentance, qu'il ne nous a causé de tristesse en ceste excommunication présente, par l'obstination de son péché et de son contemnement: et que sa repentance nous soit à tous pour exemple, si que nous n'ayons point de honte de recognoistre la faute de noz péchez et en demander pardon, tant en privé qu'en public s'il est besoing. N'oste point totalement, ô Père miséricordieux, ton Sainct Esprit de ce membre retranché de nostre corps, ores qu'il soit livré à Sathan à la destruction de la chair ; assiste nous de la

grâce, qui de nostre nature sommes aussy enclins à tout mal, afin que nous puissions journellement et de plus en plus réprimer en nous les façons du vieil Adam, et estre renouveliez en l'homme nouveau, qui selon Dieu, a tousjours ses accroissemens en saincteté de vérité, et sa justice. Et si quelque fois il advient que nous, estans circonvenus par les ruses de Sathan, nous tombions en quelque péché, (car nous sommes tous, autant qu'en nous est, esclaves de péché) ne permetz que soyons endurcis en noz péchez aucunement, et qu'à la fin nous périssions en iceux : mais excite tousjours aucuns, qui nous tiennent en office par l'admonition de ta parolle divine, et qui chassent de nous ceste mortelle asseurance en nos péchez, qui est comme un sommeil. Que le Seigneur Christ ne nous soit voilé en noz péchez, à nostre condamnation. Ains plustost qu'il reluise en noz cœurs, à nostre correction. Donne nous, que non seulement ne mesprisions les admonitions, et que ne soyons ollencez d'ycelles, ains que nous les soubhaitions, nous les aymions de bon cœur, et que nous les oyons tousjours et embrassions volontiers, voire avec remerciement. Ainsy adviendra que selon nostre infirmité, cheminans en tes voyes, et nous fians en la doctrine de ton filz, comme membres vifz de son corps, et branches vives, en luy nous produysions fruicts en abondance, en tous offices de piété à la gloire de ta majesté divine, en laquelle avec iceluy ton filz, et le Sainct Esprit, tu règnes, et vis ung et éternel Dieu, béneit éternellement. Ainsy soit-il.