IJ

ont été diffamées par leurs mesmes serviteurs , dont c'est grant pitié , quant noblesse est foullée par ceulx de qui elle doit estre supportée.

Pourtant, ma fille, si fortune vous est jamais telle, gouvernez vous y saigei^nent , sans y acquerre maulvaise renommée ; et, après que vous aurez songneusement servy Dieu, pensez de bien conduire vos enfants en bonne doélrine, et de les aymer de bonne amour et honneste, et ne faire pas comme aucuns folz pères et mères, à qui ne chault d'acquérir à leurs enfants bonnes vertus, mais leur suffit de les veoir hault eslevez, qui est chose diabolicque, et dampnable.

Car après, souvent les enfans en

maudissent pères et mères, car des haulx honneurs de ce monde n'est en fin que abus et déception. Et advient souvent, que les enfans, ainsi hault eslevez , oblient Dieu , et descongnoissent père et mère par leur grant follie et présumpcion, et en ce sont aveuglez les pères et mères. Et en ay veu d'aucunes gentilz femmes, qui avoient leurs filles mariées à chevaliers , lesquelles mères servoient leurs filles en mainte manière, qui est grant besterie à toutes deux, car c'est oultrecuidance à la fille, et à la mère parfaicle follie.