CHAPITRE IX
seulement de me branler pendant que le branle me plaist : mon dessein est divisible par tout, il n'est pas fondé en grandes espérances; chaque journée en faict le bout, et le voyage de ma vie se conduict de mesme. J'ay veu pourtant assez de lieux esloignez où j'eusse désiré qu'on m'eust arresté. Pourquoy non , si Chrysippus, Cleanthes, Diogenes, Zenon, Antipater, tant d'honnestes hommes de la secte la plus refroingnée, abandonnèrent bien leur pays sans aucune occasion de s'en plaindre et seulement pour la beauté d'un autre air? Certes, le plus grand desplaisir de mes pérégrinations, c'est que je n'y puisse apporter cette resolution d'establir ma demeure où je me plairroy, et qu'il me faille tousjours proposer de revenir pour m'accommoder aux humeurs communes.
Si je craingnois de mourir en autre air que celuy de ma naissance, si je pensois mourir moins à mon aise esloingné des miens, à peine sortiroy-je hors de France : je ne sortirois pas sans effroy hors de ma parroisse, je sens la mort qui me pince continuellement la gorge ou les reins. Mais je suis autrement faict : elle m'est une par tout. Si toutesfois j'avois à choisir, ce seroit, ce croy-je, plustost à cheval que dans un lict, hors de ma maison et esloigné des miens. Il y a plus de crevecœur que de consolation à prendre congé de ses amis. J'oublie volontiers ce devoir de nostre entrejent, car des offices de l'amitié celuy-là est le seul desplaisant; et oublierois ainsi volontiers à dire ce grand et éternel adieu. S'il se tire quelque commodité de cette assistance, il s'en tire cent incommoditez. J'ay veu plusieurs, mourans bien piteusement, assiégez de tout ce
lY
train : cette presse les estouffe. Cest contre le devoir, et est tesmoignage de peu d'affection et de peu de soing de vous laisser mourir en repos : l'un tourmente vos yeux, l'autre vos oreilles , l'autre la bouche ; il n'y a sens ny membre qu'on ne vous fracasse. Le cœur vous serre de pitié d'ouyr les plaintes des amis, et de despit, à l'avanture, d'ouyr d'autres plaintes, feintes et masquées. Qui a tousjours eu le goust tendre, affoibly, il l'a encore plus : il luy faut, en une si grande neces* site, une main douce et accommodée à son sentiment, pour le grater justement où il luy cuit, ou qu'on ne le grate point du tout. Si nous avons besoing de sage femme à nous mettre au monde, nous avons bien besoing d'un homme encore plus sage à nous en sortir. Tel, et amy, le faudroit-il achetter bien chèrement pour le service d'une telle occasion.
Je ne suis point arrivé à cette vigueur desdaigneuse qui se fortifie en soy-mesme, que rien n'ayde ny ne trouble ; je suis d'un point plus bas : je cerche à conil- 1er et à me desrober de ce passage , non par crainte, mais par art. Ce n'est pas mon advis de faire^ en cette action preuve ou montre de ma constance. Pour qui? lors cessera tout le droict et interest que j'ay à la réputation. Je me contente d^une mort recueillie en soy, quiète et solitaire, toute mienne, convenable à ma vie retirée et privée : au rebours de la superstition romaine, où on estimoit malheureux celuy qui mouroit sans parler et qui n'avoit ses plus proches à luy clorre les yeux. J'ay assez affaire à me consoler, sans avoir à consoler autruy ; assez de pensées en la teste, sans que les circonstances m'en apportent de
