CHAPITRE IX
feste; et que ces projects extravagants qui travaillent la vie, et ces opinions si fines, si elles ont de la vérité, je la trouve trop chère et incommode. Au rebours, je m'emploie à faire valoir la vanité mesme et la grosserie, si elle m'apporte du contentement; et me laisse aller après mes inclinations naturelles sans les contreroUer de si prés.
J'ay yeu ailleurs des maisons ruynées, et des statues, et du ciel, et de la terre : ce sont tousjours des hommes. Tout cela est vray ; et si pourtant ne sçauroy revoir si souvent le tombeau de cette ville, si grande et si puis* santé, que je ne l'admire et révère. Le soing des morts nous est en recommandation. Or, j'ay esté nourry dés mon enfance avec ceux icy ; j'ay eu connoissance des affaires de Romme long temps avant que je Paye eue de ceux de ma maison. Je sçavois le Capitole et son plant avant que je sceusse le Louvre, et le Tibre avant la Seine. J'ay eu plus en teste les conditions et fortunes de LucuUus, Metellus et Scipion, que je n'ay d'aucuns hommes des nostres. Ils sont trespassez; si est bien mon père aussi entièrement qu'eux, et s'est esloigné de moy et de la vie, autant en dixhuict ans que ceux-là ont faict en seize cens ; duquel pourtant je ne laisse pas d'embrasser et practiquer la mémoire, l'amitié et société, d'une parfaicte union et trés-vive. Voire, de mon humeur, je me rends plus officieux envers les trespassez : Ils ne s'aydent plus, ils en requièrent, ce me semble, d'autant plus mon ayde. La gratitude est là justement en son lustre; le bien-faict est moins richement assigné où il y a rétrogradation et reflexion. Arcesilaus, visitant Appelles malade et le
trouvant en pauvre estât, luy fourra tout bellement soubs le chevet du lict de l'argent qu'il luy donnoit, et, en le luy celant , luy donnoit en outre exemption de luy en sçavoir gré. Ceux qui ont mérité de moy de l'amitié et de la reconnoissance, ne l'ont jamais perdue pour n'y estre plus ; je les ay mieux payez et plus soigneusementy absens et ignorans : je parle plus affectueusement de mes amis, quand il n'y a plus moyen qu'ils le sçachent. Or, j'ay attaqué cent querelles pour la deffence de Pompeius et pour la cause de Brutus. Cette accointance dure encore entre nous ; les choses présentes mesmes, nous ne les tenons que par la fantasie. Me trouvant inutile à ce siècle, je me rejecte à cet autre, et en suis si embabouyné que Testât de cette vieille Romme, libre, juste et florissante (car je n'en ayme ny la naissance ny la vieillesse) m'intéresse et me passionne. Parquoy je ne sçauroy revoir si souvent l'assiette de leurs rues et de leurs maisons, et ces ruynes profondes jusques aux antipodes, que je ne m'y amuse. II me plaist de considérer leur visage, leur port et leurs vestements ; je remâche ces grands noms entre les dents et les fais retentir à mes oreilles. Des choses qui sont en quelque partie grandes et admirables, j'en admire les parties mesmes communes : je les visse volontiers deviser, promener et soupper. Ce seroit ingratitude de mespriser les reliques et images de tant d'honnestes hommes et si valeureux, que j'ay veu vivre et mourir, et qui nous donnent' tant de bonnes instructions par leur exemple, si nous les sçavions suivre.
Et puis cette mesme Romme que nous voyons me-
