CHAPITRE XI
d'un prince souverain, lequel, en ma faveur et pour rabatre mon incrédulité , me fit cette grâce de me faire voir en sa présence , en lieu particulier, dix ou douze prisonniers de cette nature, et une vieille entre autres, vrayment bien sorcière en laideur et deformité, trés-fameuse de longue main en cette profession. Je vis et preuves et libres confessions, et je ne sçay quelle marque insensible sur cette misérable vieille ; et m'enquis, et parlay tout mon saoul, y apportant la plus saine attention que je peusse ; et ne suis pas homme qui me laisse guiere garroter le jugement par préoccupation* En fin et en conscience, je leur eusse plustost ordonné de l'ellébore que de la cicue. La justice a ses propres corrections pour telles maladies.
Quant aux oppositions et arguments que des bon* nestes hommes m'ont faict , et là , et souvent ailleurs , je n'en ay poinct senty qui m'attachent et qui ne souffrent solution tousjours plus vray-semblable que leurs conclusions. Bien est vray que les preuves et raisons qui se fondent sur le faict, celles là je ne les desnoue point; aussi n'ont elles point de bout : je les tranche souvent comme Alexandre son neud. Après tout, c'est mettre ses conjectures à bien haut pris que d'en faire cuire un homme tout vif : ce que je dis, comme celuy qui n'est ny juge ny conseiller des roys, ny s'en estime de bien loing digne, ains homme du commun, nay et voué à l'obéissance de la raison publique , et en ses faicts, et en ses dicts. Qui mettroit mes resveries en compte , au préjudice de la plus chetive loy de son village, ou opinion, oucoustume, il se feroit grand tort et encores autant à moy. Je ne serois pas si hardy
l3o LIVRE TROISIESME
à parler s'il m'appartenoit d'en estre creu ; , et fut ce que je respondis à un grand, qui se plaingnoit de l'aspreté et contention de mes enhortemens. Vous sentant bandé et préparé d'une part , je vous propose l'autre, de tout le soing que je puis, pour esclarcir vostre jugement, non pour l'attirer. Dieu tient vos courages et vous fournira de chois. Je ne suis pas si présomptueux de désirer seulement que mes opinions donnassent pante à chose de telle importance : ma fortune ne les a pas dressées à si puissantes et eslevées conclusions. Certes, j'ay non seulement des complexions en grand nombre, mais aussi des opinions assez, desquelles je desgouterois volontiers mon fils, si j'en avois. Quoy, si les plus vrayes ne sont pas tousjours les plus commodes à l'homme? tant il est de sauvage composition.
A propos ou hors de propos, il n'importe, on dict en Italie en commun proverbe, que celuy-là ne cognoit pas Venus en sa parfaicte douceur qui n'a couché avec la boiteuse. La fortune ou quelque particulier accident ont mis il y a long temps ce mot en la bouche du peuple , et se dit des masles comme des femelles : car la royne des Amazones respondit au Scyte qui la convioit à l'amour : "'Aptora yjtùkbq oiçet. Le boiteux le faict le mieux. En cette republique féminine, pour fuir la domination des masles, elles les stropioient dés l'enfance, bras , jambes, et autres membres qui leur donnoient avantage sur elles, et se servoient d'eux à ce seulement à quoy nous nous servons d'elles par deçà. J'eusse dict que le mouvement détraqué de la boiteuse apportas! quelque nouveau goust à la besongne et quelque pointe
