CHAPITRE XIII

Pour Dieu! que la médecine me face un jour quelque bon et perceptible secours , voir comme je crieray de bonne foy :

Tandtm effîcaci do manus scieniixl

Les artSy qui promettent de nous tenir le corps en santé et l'ame en santé, nous promettent beaucoup; mais aussi n'en est-il point qui tiennent moins ce qu'elles promettent. Et, en nostre temps, ceux qui font profession de ces arts entre nous en montrent moins les effects que tous autres hommes. On peut dire d'eus, pour le plus, qu'ils vendent les drogues medecinales; mais qu'ils soyent médecins, cela ne peut on dire à les voir et ceux qui se gouvernent par eux. J'ay assez vescu pour mettre en compte l'usage qui m'a conduict si loing : pour qui en voudra gouster, j'en ay faict l'essay, son eschançon. En voicy quelques articles, comme la souvenance me les fournira.

Ma forme de vie est pareille en maladie comme en santé : mesme lict, mesmes heures, mesmes viandes me servent et mesme breuvage. Je n'y adjouste du tout rien que la modération du plus et du moins, selon ma force et appétit. Ma santé, c'est maintenir sans destourbier mon estât accoustumé. Je voy que la maladie m'en desloge d'un costé; si je crpis les médecins, ils m'en destourneront de l'autre : et par fortune et par art me voylà hors de ma route. Je ne croys rien plus certainement que cecy : que je ne sçauroy estre offencé par l'usage des choses que j'ay si long temps accoustumées. C'est à la coustume de donner forme à nostre vie, telle

l8o LIVRE TROISIESME

qu'il luy plaist : elle peut tout en cela ; c'est le breuvage de Circé y qui diversifie nostre nature comme bon luy semble. Combien de nations, et à trois pas de nous, estiment ridicule la crainte du serain, qui nous blesse si apparemment! et nos bateliers et nos paysans s'eD moquent. Vous faites malade un Âleman de le coucher sur un matelas , comme un Italien sur la plume et un François sans rideau et sans feu. L'estomac d'un Espagnol ne dure pas à nostre forme de manger, ny le nostre à boire à la souysse.

Un Âleman me fit plaisir, à Auguste, de combatre l'incommodité de noz fouyers par ce mesme argument dequoy nous nous servons ordinairement à condamner leurs poyles :.car, à la vérité, cette chaleur croupie, et puis la senteur de cette matière reschauffée dequoy ils sont composez, enteste la plus part de ceux qui n'y sont expérimentez, à moy non. Mais, au demeurant, estant cette chalieur eguale, constante et universelle, sans lueur, sans fumée, sans le vent que l'ouverture de nos cheminées nous apporte, elle a bien par ailleurs dequoy se comparer à la nostre. Que n'imitons nous l'architecture romaine ? car on dict qu'anciennement le feu ne se faisoit en leurs maisons que par le dehors et au pied d'iceiles, d'où s'inspiroit la chaleur à tout le logis par les tuyaux practiquez dans l'espais du mur, lesquels alloient embrassant les lieux qui en dévoient estre eschauffez : ce que j'ay veu clairement signifié, je ne sçay où, en Seneque. Cettuy-cy, m'oyant louer les commoditez et beautez de sa ville , qui le mérite certes, commença à me plaindre dequoy j'avois à m'en esloigner; et des premiers inconveniens qu'il m^allega , ce fut la