CHAPITRE IX

De la Vanité.

i n'en est à l'avanture aucune plus expresse que d'en escrire si vainement. Ce que la Dir^ vinité nous en a si divinement exprimé devroit estre soingneusement et continuellement médité par les gens d'entendement. Qui ne voit que j'ay pris une route par laquelle, sans cesse et sans travail, j'iray autant qu'il y aura d'ancre et de papier au monde ? Je ne puis tenir registre de ma vie par mes actions, fortune les met trop bas; je le tiens par mes fantasies. Si ay-je veu un gentilhomme qui ne communiquoit sa vie que par les opérations de son ventre ; vous voyiez chez luy, en montre, un ordre de bassins de sept ou huict jours: c'estoit son estude, ses discours; tout autre propos luy puoit. Ce sont icy, un peu plus civilement, des excremens d'un vieil esprit, dur tantost, tantost Iftche, et tousjours indigeste. Et quand seray-je à bout de représenter une continuelle agitation et mutation de mes pensées, en quelque matière qu'elles tombent, puisque Diomedes remplit six mille livres du seul sub-