CHAPITRE XIII

fortune, se rangeant courageusement à son mary, .lequel elle suivit par tout où sa ruine le porta, n'ajrantjce semble •, autre chois que de se jetter au party où elle faisoit le plus de besoin et où elle se monstroit plus pitoyable. Je me laisse plus naturellement aller après l'exemple de Flaminius, qui se prestoit à ceux qui av.oient besoin de luy plus qu'à ceux qui luy pouvoient bien-faire, que je ne fais à celuy de Pyrrus, propre à s'abaisser soubs les grans et à s'enorgueillir sur les petis.

Les longues tables me nuisent ^ : car, soit pour m'y estre accoustumé enfant, à faute de meilleure contenance, je mange autant que j'y suis; pourtant chez moy3, je m'y mets volontiers quelque temps après les autres sur le patron d'Auguste 4; mais je ne l'imite pas en ce qu'il en sortoit aussi avant les autres. Au rebours, j'ayme à me reposer long temps après et en ouyr conter, pourveu que je ne m'y mesie point : car je me lasse et me blesse de parler l'estomac plain, autant comme je trouve l'exercice de crier et contester avant le repas tressalubre et plaisant i.