ExPEDi LES CAUSES PETITES. — Lodit maire o son loc

* Cette mention des douze et des vingt-quatre montre que ce document a été remanié après 1451. Cf. t. I, p. 98.

tenent poden soletz expedir e despachar chens autres conseilh les causes petites e sommaris.

5. Depausa lo loctenent. — Lodit loctenent pot esser demes e estremat de l'offici a le volunctat deudit maire.

6. De l'auditor. — Lodit maire a facultat de instituir son auditor a sa volunctat, provedit que sie bon costumer e pratician, autrement lodit conseilh y pot empachar e contrediser, e no valera sa institucion ; e d'equi a tant que y aura provedit, o quent vaquera per mort o renunciation, e en abcenci deudit maire, lo conseilh n'y puira instituir ung.

7. De non vaquer avant lo segrement. — Lodit maire o son loctenent no poden excercir los officis, com no fasen les autres officiers, avant prestar lor segrement.

8. Lo maire o son loctenent poden assemblar lo poble e los contreinher de ios seguir per tote le juridiction, armatz e autrement, le ville demoran provedide.

1304, 6 mars. Bayonne.

Etablissement municipal enjoignant de porter des armes.

Copie de 1336. Arch. communales de Bayonne, AA 1, p. 120.

En Tan de nostre Senhor m ccc e iiii., dissapte après le feste de sant Laon de martz, en le mairetat dou seinhor en Pelegrin de Biele, fo ordenat e feit establiment per lo maire e per los cent pars e per montes autres bones gens, en le maison de le veziau de Baione, quo todz los brassers e hobres de Baione de binhes o de bergers o todz autres, quant iran per mar o per terre, dessi en avant, a les hobres, quaus que sient, portin lor armes, lances e dartz e balestes e manbaus, cascun aqueres armes de que melhor se sabera servir, e que ab lor les aien e tinquin totes vedz assi près de lor que augun maufeitor no los pusqui panar ni prener.

2. E aquet brasser qui hiri hobrar estiers d'armes e aquet quiu logari estiers de portar armes que s'daunera vi. s. de Merlans a le biele, sans nulhe merce.

3. E se escat per aventure que ad augun vezin de Baione o d'augun brasser e obrer estrainh qui de Baione en fore seri ischit, augun persone fei o bou far dampnadge, e aquere persone cride : biafore, o cride en autre raaneire, que todz los brassers e obrers que aquet biafore o crit audiran e seran en loc que audir ag deien, laissin ades lors hobres a tantost cum lo biafore o crit audiran, e que prenquin les armes, e que anin aiudar ad aquere persone qui cridat auri, en pêne de vi. ss. de Merlans que s'dauneri a le biele aquet qui no i iri.

4. E si abie que los brasses qui iran ab lors armes au crit, cum diit es, augun d'aquetz maufeitors o banitz qui bierin mau far en les heretadz de Baione o a les persones de la biele de Baione o ausdiitz brassers o obries, plagauen o aucident

que sens balhe, e que lo maire ni le biele de Baione d'arres nous en pessegui nius en fasse augun mau, mas queus issien en totes cauzes, eflFors e aiude. E aquetz qui hiran a le biafore au crit, cum diit es, los seinhors qui logan los auran, queus paguin todz lors iomaus atabei cum si tôt lo die aven hobrat, sodz la pêne dessusdiite.

1304, 12 décembre. Bayoïme.

Etablissement municipal instituant des gardes champêtres.

Copie de 1336. Arch. communales de Bayonne, ÂA 1, p. 114.

Item, aquet médis die, [en Tan de nostre SeinhorM ccc lui., lo dissapte après le sent Nicholau abesque e confessor, en le mairetat d'en Pelegrin de Biele,] fo establit que pressones sien esliites e assignades qui sient tincudz, per segrement feit en mang dou maire, de gardar le bies eus camins e de gardar los baradz, e les arroilhes, e les hobres que hom fera, a pretz feit en autre guize, en vinhes o en bergers o en cazaus o en autres terres fore de Baione, si esteran plan ni si seran feites dehudemens; e que aqueres persones pusquin les vinhes e los vergers e les autres terres que hom volera partides e los cazaus fore de le biele bei e leiaumens, sober lor segrement. E desso far e gardar son esliitz aqui médis : en Bidau de Bardos, en Peis de Faiet, en Peis de Sent Miqueu.

1315, 5 juillet. Bayonne.

Etablissement municipal relatif au guet et au contre-guet.

Copie du XVI* siècle. Arch. communales de Bayonne, AA 3, fol. 181 v^

Deu ffeit deu guoait. — En Tan de nostre Seinhor mil très cens e quinze, lo dissapte après le feste de sent Pey, fo establit per monseinhor lo maire, esclevins, e conseilh que totz aquetz e aqueres qui yran de nuitz u de jorns per aygue per terre, per deflFens le ciutat o per defFore, quent lo guoait, esquiuguoeit, portalers o autres los domanderan qui son, e ni auderan, que vinquen a lor, o arribin a terre, sien tingutz de obedir, e si lo contrari fasen, si los auciden o plagauen, que se los valos, e en fossen quictis, et si plegar ny aucider no los volen, que, per le desobedience, ung chacun sera mes en preson e detingudz, a l'arbitre deus qui dessus, e avant lor élargissement pagueran vingt livres Guian., le terce part applicquedeyres aus escusedors e revelledors, e lo plus aus affars de ledite ciutat.

2. Idem. — Item, aqui medichs fo establit que tôt home maridat sie tingud de anar far lo guoait, esquiuguoayt e porte, une vetz le'sempmane, segond sa facultat, en propre personne, sus pêne de estar mes en preson e de pagar vingt solz tornes avans que en sailhi, le terce part applicquedeire aus qui ag revelleran, e lo plus a le bille.

3. Idem. — Item, si ère lo cas que se abscentassen, u fossen vieilhs, malaus, o autremens legitimemens impeditz, seran tincutz de prescntar en lor loc audit maire o son loctenent personnatge sufficient quy aye feit lo segrement de vesiautat, autrement no y poira mcctre ny subrogar en son loc autre personnatge, sus le pêne que dessus.