III. USAGE d'ORLENOIS

(restitution conjecturale.)

I. Se^ aucune joutise prant i home le roi, ou un sien joutisable qui au roi s'avoe, à quelque mefïait que ce soit, en presant fait, en sa joutise ou en sa seignorie, et il nie le presant, la joutise qui le sigra si provra le présent par devant la gent le roi. Et si en seront en saisine la gent le roi avant tote evre. Et, le présent prové loiaument ou conneii, l'on le rendra en la cort de cex qui le sigront, por joutisier. Et se li presanz n'est provez soufisamment, il demorra en la cort qu'il avra avoée por joutisier par la generau costume de baronie.

II. Se^ aucune joutise a à marchir au roi de quelque joutise que ce soit, soit de eritaige ou de seignorie, ou d'autre chose, li rois, por le débat, panra la chose en sa main et esgardera droit à soi et à autrui, car li rois n'anporte pas saisine d'autrui, mais l'en l'anporte de lui, selonc l'usage de la cort de baronie.

III. Nuns^ nepuet, ne ne doit demander saisine, s'il n'a esté en saisine devant, ou cil por cui il la demande n'a avant esté en saisine, ou qu'il est despoilliés, ou qu'il a esté despoilliés. Quiconques demande saisine d'eritage, il doit demander en tele meniere : « mes pères,