LA PERDRIX ET LES COQS (X

Si l'on en croj^aitles éditeurs de La Fontaine, on trouverait cette fable dans les Facéties de Pogge, XV : ils ont sans doute voulu dire dans les Apologues de Laurent Valla, XV, où cette fable est intitulée :

Des coqs et d'une perdris.

Ung riche marchant avoit en sa maison plusieurs beaulx coqs, lesquels il vouloit engresser, et se ad visa qu'il mettroit une perdrix, qu'il avoit achatée parmy les dist coqs affm qu'elle se engressast avecques eulx. Quant la povre perdris fust en la compagnie des dictz coqs, chascun la picquoit et mordoit a son povoir, et tant faisoient de mal et de peine lesdis coqs a la dicte povre perdris qu'elle se desconfortoit piteusement a part elle, et eust bien voulu par desconfort estre morte, et luy sembloit en effect que les dis oyseaux luy faisoient guerre et desbat pour ce qu'ilz n'estoient pas d'une mesme espèce ne sorte, et fust la dicte povre perdris longuement en ceste affliction et opinion bien dolente et troublée. Voyant par elle ung jour que les dis coqs se entrebattoient et mordoient et qu'ilz joutoient toute jour l'un contre l'autre jusques a effusion de sang, elle commença a respirer ung peu et print confort en elle en disant : « Certes, je ne me dois pas esbahir si ces seigneurs icy me mordent et picquent, qui suis estrangiere, quant ilz se entrebatent, mordent et pic-

1)K I.A KONTAINK 153

quent l'ung l'autre si asprement. Leur desbat et noise m'est bonne cause et matière de avoir et prendre patience par tout » .

{Gmll. TavdiU AjwL deLaurent Valla, 181,Marchessou.)