Chapitre troiziesmc

BAYARD, de son jeune eage, fust nourry premièrement avec le duc des Allobroges, c'est monseigneur de Savoye, et puys, soubz le roy Charles liuictiesme, et du temps du dict roy, alla à Naples et demeura plusieurs années continuellement aulx armes contre Espaignolz, tant soubz luy que soubz le roy I/oysdouziesmeenlvOmbardie. Aussi a demouré long temps et n'y a eu bataille de son temps à laquelle il n'aye esté, comme dessus est dict. Et pource qu'il avoit long temps porté les armes contre la nation espannicque, voulut veoir les Espaignes, et monta sur mer à la Rochelle et, comme pèlerin, ^ans se donner à congnoistre, alla à Sainct Jacques en Galice, là où il demeura aulcun temps pour voir le pays jusques à Sainct Saulvadour, retourna à Sainct Jacques et, par la mer, retourna en

France. Il fust en Flandres et Breban avec Maximilian, empereur, comme a est dict dessus, et vint en Lorraine, là où je le veistz par aulcun temps moult extimé du duc et de tous les nobles du pays de Barroys et de Lorraine, Et luy donna monseigneur de Lorraine chevaulx de son arrest moult beaulx et puissans, aussi luy fist moult beau présent et luy donna et fist faire à Nancy belle vesselle de l'argent des mines du pays, laquelle donna audict seigneur Bayard, lequel, après, s'en retourna en France.

^ Des vertueulx ci principaulx gentilzhommes qui ont suyvy aulx armes Bayard.