Bergues, Nord, arr. de Dunkerque, ch.-l. de cant

Item, celle nuit du dit lundi, messire Jehan de Vienne, admirai de France^, qui celle nuit faisoit le guet, entra en la dite ville de Berghes, bien tart, et trouva que les Anglois et ceulx qui estoient en la dite ville s'enfuioient, et lors fut crié : Notre-Dame! Vienne à l'admirai! et y ot grant foison mors de Gantois et de ceulx de la ville, et pris de gros prisonniers, et fut toute pilliée et arse la dite ville, excepté une abbaie [appellée] Saint-Winoc^.

Item, le lundi et le mardi, le Roy demoura devant la dite ville de Berghes, et furent admenez par devant lui pluseurs des prisonniers, qui avoient esté pris en icelle ville, et entre les autres un prestre, qui lui afferma que en la dite ville avoit tant de gens, comme dessus est dit.

Item, le mardi ensuivant, le Roy se parti dudit logis de devant Berghes et ala logier à Dunekarque^, et l'avantgarde ala logier à Heue et demie de Bourbourc^, en une ville appellée Meldite^, et demourerent le Roy et la dite avantgarde es diz logis le mercredi et le juedi ensuivants, pour ce que le charroy n'estoit pas encore venuz.

Item, le vendredi ensuivant, se parti le Roy du logis et ala logier où avoit logié l'avantgarde, à une lieue près de Bourbourc, et le samedi ensuivant, en un matin, se ala logier l'avantgarde devant Bourbouc, et

1. Var. : « admirai de la mer » (Bibl. nat., ms. fr. 10134, fol. 307 v°).