Ou souffisamment [soufjis

Ce non obstant a fait pluseurs griefs et excès aux barons de Bretaigne, et par especial audit de Clisson, et pour yceux griefs appella en parlement et releva son appel bien et deument. Et combien que, selond la Saincte Escripture et parle stile de courte laye, le dit de Clisson fust exempt du duc pendant la dite appellacion, neantmeins fistle duc pluseurs actemptas contre ycelle et fist noyer en la rivière de Loyre un prestre qui portoit les lettres d'adjornement, les lettres à son col, et depuis manda les Anglois et furent en Bretaigne, et pour ce que ce vint à la cognoissance du Roy, il envoya les dus de Berri, de Bourgoigne et de Bourbon, ses frères, et le connestable de France; et, quant le duc de Montfort senti ces choses, il escripvi lettres au Roy nostre sire, au [sic] d'iz de Berry, de Bourgoigne, de Bourbon et connestable, et se excusa et promist faire wider les Anglois hors de Bretaigne, dont il ne fist riens.

Depuis, en persévérant de mal en pis, et comme induré, ala en Angleterre et, en la compaignie du duc de Lanclastre, fist guerre en ce royaume, à bannières desployées, dés Calez jusques à Bourdiaux, non pas guerre, mais déprédation, et exiga rançons, viola eoglises, print pi'isonniers et bouta feux, et ardi en Picardie Roye et Capi, en Laonnois Mons et Cressy, et passa par Champaigne, Bourgoigne et Auvergne, et cuida pranre Molins, et viola l'ecglisc de Saint-Leu, et depuis en Limosin fu devant Tuelle. Et darrienement, en Bretaigne, fist grans excès à Saint- Malo et, paravant, avoit baillé et mis en la main des Anglois les chasteauls de Hammetons, de Pons et de Brest. Dist oultre le procureur du Roy que ces choses sont toutes notoires, mesmement au Roy, qui soufEst, et doit astre réputé à tous notoire, selond raison, et en vérité on doit procéder en telle matière sommierement et de plain, et combien que le Roy eut peu procéder contre le dit de Montfort senz adjornement, neantmeins le Roy a voulu meurement procéder en ceste matière et faire adjor-