En note : « au roy Charles

tant comme li abbés vivroit, pour ce que il ne fust irreguliers.

^Ces choses ainsi faites, li rois départi les despoilles à ses chevaliers et à ses genz, et enmena ses prisonniers avec lui en liens jusques à Naples la cité, pour faire d'euls ce que droiz et raison jugeroient. Illuec fist assambler pluseurs seigneurs de loiz et autres sages homes qui jugierent que par droit, il dévoient avoir les chiez copez, comme cil qui estoient coulpables de majesté esgenée. Quant il furent ainsi condempnez par jugement, li rois fist monter en I lieu haut, devant touz ceuz de la cité i home qui, au comble, de la condempnacion Corrardin dist et raconta comment l'église de Rome avoit esté pluseurs foiz grevée et tormentée de lonc temps trespassé, par le parente Corrardin, dont il avoient esté touz jours escommuniez ausi comme de hoir en hoir, et condempnez et privez par leurs apers mefïaiz, par le jugement de sainte Eglise, de toute honeur et de toute dignité ; et au derrenier estoit cheue et affinée ceste maleurté seur Corrardin. Aprèz ce que il out ainsi crié, l'en mena Corrardin et touz ceuz qui estoient dampnez, delez une chapele où l'en leur fist oïr tout le servise des mors et la messe ; et leur donna l'en congié et espace de confesser ; et puis furent menez au lieu où il dévoient estre decolez. Cil qui les decola les fist agenoillier, et hauça l'espée et fist les chiez voler de chascun à terre, l'un aprèz l'autre. Sis estoient par nombre ; c'est à savoir : le conte Gauvain, le conte Jourdain, le conte Bertelemil et ses ii filz, et li siziemes, Corrardins. Henriz d'Espaigne, qui bien avoit deservi autel mort, et qui jugiez en estoit et condempnez, ne fu pas decolez pour ce que li rois Challes l'avoit promis à l'abbé du Mont de Cassie, quant il li rendi, que il ne recevroit pas mort tant