Cf. Grandes Chroniques, t. Vil, p. 257, chap. ci

comme il vivroit ; mes il le fist garder vif moult estroit en fers et en liens.

^De la mort Corrardin murmurèrent aucunes gens, et disoient que li rois Challes deust avoir espargnié pour ce que il estoit encores jones enfes et que il a voit esté deceus par les traiteurs, dont moult de genz d'Alemaigne furent esmeus contre lui. Ces choses ainsi faites, toutes les régions et les provinces du roiaume de Sezile ; c'est à savoir : Puille, Calabre et terre de Labour, furent et demourerent en pais souz le roy Challe, excepté la terre de Sezile qui est de mer enclose, que i mauvais bons, qui Courraz Cabouche avoit non, et d'autres samblables à lui s'efîorçoient à delTendre de tout leur pooir. Icil Courraz Cabouche et ses compaignons, avoient par force et par barat aquis la grâce et l'amour de toutes les citez de Sezile, fors que de Palernes et de Meschines, les ii plus nobles citez, qui se tenoient fermement de la partie le roy Challe. Quant li roys le sout, si envoia en Sezile grant foison de sa gent bien armez et appareilliez ; et furent maistres et conduiseurs de euls, Thomas de Couci, Phelippes et Gui de Montfort, Guillaume de Biaumont, Jehan de Hiaumes et Guillaume L'Estandart, chevaliers de France nez preuz et hardiz. Le far des Meschines passèrent sanz destourbier, et entrèrent en la terre de Sezile, et conquirent les chastiaus et les citez qui estoient contraires au roy Challe. Au derrenier, il assistrent le devant dit Courrat Caboche en I chastiau fort qui a non Saint Orbe, et prident le chastel a grant travail par leur force, et Courrat dedenz, auquel il firent les iex du chief traire, et puis le firent à un gibet pendre ; et ainsi demoura la terre et le roiaume de Sezile longuement en pais souz le roy Challe. Duquel roy et duquel roiaume il souffîse tant à ore avoir parlé,