Cf. Grandes Chroniques, t. VII, p. 259, chap. en

quar nostre propos est de traitier le reraanant des faiz le roy Looys de France.

Comment li rois Looys prist la seconde foiz la croiz pour aler outre mer.

^Li bons chrestiens roys de France Looys qui n'out pas bien sa conscience en paiz de la voie que il avoit faite jadis outre mer, pour ce que il li estoit aviz que ce pèlerinage avoit fait greigneur honte et greigneur reproche au royaume de France, que pourfit à sainte Eglise, s'apensa d'aler derechief outre mer pour aidier à la gent de la sainte terre qui estoit en grant péril. Et pour ce que il ne vout pas si grant ouvre emprendre de son propre cuer sanz conseil, il envoia i sien frère message à l'apostoile Clément " et li demanda conseil de ceste chose. Li papes, qui sages bons fu, quant il out eu grant délibération sus ce, si se consenti et loa et aprouva le bon propos le roy, ja soit ce que il en eust doubt^ au commencement. Lors li envoia en France pour ceste chose especiaument, monseigneur Symon, prestre cardinal de Sainte Cécile. Quant li bons rois dut prendre la croiz, si assambla à Paris I grant parlement de prelas, de barons et de chevaliers et d'autre gent, et les amonesta moult de vengier la honte et le damage que Sarrazins faisoient ou despit de Nostre Seigneur en la terre d'outre mer. Aprèz ce, fist un sermon li cardinaus à touz, et quant il out feni, li rois Looys prist la croiz touz premiers moult dévotement, et ses III filz aprèz, Phelippes li ainnez, Jehans et Pierres et grant multitude de barons et de chevaliers. Et pour ce que moult de gens ne furent pas à ce parlement croisiez