Clément IV
pour la nouveleté de la chose, toutes voies, aprèz un poi de temps, se croisierent pluseurs contes et pluseurs barons à l'exemple du roy ^. C'est à savoir : Aufons, li contes de Poitiers et de Thoulouse, frère le roy Looys, Thiebauz rois de Navarre et de Champaigne cuens et de Brie palazins, Robers li contes d'Artoiz, Guy li contes de Flandres, Jehans li ainnez filz le conte de Bretaigne qui avoitespousée une des filles Henri roy d'Engleterre, et moult d'autres homes que nous ne nommons pas. Et pour ce que li roy et tuit li autre se pourveissent de ce que mestier leur aroit à ceste voie, il assenèrent terme quant il devroient mouvoir ; dedenz lequel, moult grant multitude de genz se croisa ^.
Quant la navie le roy et des barons fu preste au port d' Aigue-Morte, et li temps aproça de mouvoir, li bons rois Looys vint visiter Saint Denys de France, selonc l'anciane coustume des rois de France, et furent avecques lui m de ses filz et grant multitude de chevaliers. Illuec fu au matin du jour dont il se départi, devant les cors du glorieus martyr, monseigneur saint Denys et ses compaignons a oroisons moult dévotement, et prist avec l'escrepe et le bourdon de pèlerinage desus l'autel, l'enseigne Saint Denys, laquele au conte de Veuquessin apartient, et laquele contée li rois de France doit tenir en fié de l'église de Saint Denys, ausi comme les contes de Veuquessin le soloient faire, qui portoient ancianement la baniere aus rois de France pour la raison de leur fié. Aprèz ce, quant li rois out commandé par ses prières et par ses oroisons tout son roiaume en la garde du glorieus martyr monseigneur saint Denys et ses compaignons, il vint ou chapitre
1. En note : « Desquelz nous ne pensons pas à mettre les noms de touz pour paour d'ennuier aus lisans, mais des plus grans qui presens furent. »
2. En note : « tant nobles corne non nobles que à paines les peust on nombrer ».
des moines de celle abbaïe pour recommender soi et ses compaignons et ses enfanz aus prières des moines. Li couvens qui l'atendoit et seoit chascun en son siège, si comme il ont acoustumé, se merveilla moult de ce que li roys fist, quar il s'assist au derrenier degré du siège monseigneur l'abbé qui est plus bas que le siège as enfanz de laienz. Et puis, quant il se fu recommandez à eulz, il s'en issi de l'abbaïe ^, et jut celle nuit au Boiz de Viceinnes, et se parti l'endemain de la royne Marguerite sa famé a granz souspirs et a granz lermes, et commença lors sa voie premièrement d'aler outre mer. Mes ainçoiz bailla son royaume à garder à l'abbé de Saint Denys en France, Mahi, home religieus et sage, et au seigneur de Neele, Symon, chevalier noble et loial.
^En celle année meismes, envoia moult honorablement Blanche, sa fille, en Espaigne, et fu donnée par mariage la vegile de saint Andrieu l'àpostre, à Ferrant l'ainné fil le roy Auphons de Castele ; c'est à savoir l'an de l'Incarnation Nostre Seigneur M CC et LXIX. Et fu faiz li mariages par tele condition que se ladite Blanche avoit hoir dudit Ferrant son mari, et li diz Ferrans moroit avant son père le roy Aufons, que pour ce, li enfant que il aroit eus de Blanche sa famé ne perdroient pas le droit du roiaume d'Espaigne aprèz la mort du roy Auphons leur aiol.
Comment li rois de France Looys ala la seconde foiz outre mer.
^L'année desus dite, ou mois de mars, mut li bons rois
1. En note : « Après ce que il et receue la beneisson du clou et de la sainte couronne. »
2. Cf. Chronique latine de Guillaume de Nangis, éd. Géraud, t. I, p. 235.
