Cf. Grandes Chroniques, t. VII, p. 262, chap. civ
de France Looys pour aler la seconde foiz outre mer, et ala par Bourgoigne droit à Cluigni l'abbaïe, et puis trespassa Lyons sus le Rosne, Biauquere et Viane, et vint au port d'Aigue-Morte où li oz des croisiez se devoit assambler, si comme nous avons dit. Et ja soit ce que poi de gent fussent encores assamblez quant li rois vint là, tantost aprèz vint tant de menu pueple, de barons et de chevaliers que toute la terre d'environ en fu couverte. Et tout ausi comme la terre estoit occupée de tant de milliers de genz, estoit grant partie de la mer couverte de la navie qui illuec estoit venue ^. Et pour ce que li lieus du port ne pooit pas comprendre si granz nombres de genz, assez des granz barons de l'ost tournèrent aus citez et aus bones villes d'entour le port et séjournèrent illuecques jusques atant que les nez vuides qui les attendoient au port fussent charchiées d'armeures et de vitaille.
Endementres que il attendoient ainsi au port, li dyables qui touz jours convoite à semer semence mauvaise ou champ Nostre Seigneur desus la bone, suscita envie, rancune et discorde entre les pèlerins pour empeechier leur bon propos. Il avint que si grant forsenerie et si grant rage mut entre le menu pueple des Provenciaus et ceuz de Casteloigne d'une part et aucuns Françoiz d'autre pour poi de raison, que il coururent sus l'un à l'autre, aus espées, aus glaives et aus arbalestes, et i out occiz plus de c homes ^. A la parfin, Françoiz furent si esmeuz et les envaïrent si aigrement que il les firent fuir es nez à force, et avoient aucuns si grant fain d'euls occirre, que il se feroient en l'iaue aprèz euls jusques au col, ne nulz n'es-
1. En note : « En aussi grant multitude comme on vit oncques la terre couverte d'aoustes. »
2. En note : « Et ainsi les crestiens qui se dévoient exposer à mourir pour vengier la mort Nostre Seigneur Jhesu Crist, tuèrent l'un l'autre moult cruelment. »
toit illuec qui la forsenerie de celle gent peust ne n'osast destaindre, quar li rois et les barons estoient aus bones villes d'iluec environ où il sejornoient, si comme nous avons dit. Au derrenier, li rois qui estoit à Saint Gile en Provence, où il avoit célébré le jour de Pentecoste et court solennel tenue, le sout, et vint hastivement là. Et quant il out cogneue la vérité de ceste chose, il fist prendre les principaus de ce fait, et les commanda à pendre.
^Un poi aprèz ce fait, quant toutes les choses furent ordenées et appareilliées au port, li rois Looys entra en sa nef le mardi d'emprèz la f^ste saint Père et saint Pol apostres, en l'an de l'Incarnation Nostre Seigneur MCC et LXX^; et furent en sa nef avecques lui Pierres ses fîlz, Phelippes son ainné fil ^, et tuit les autres barons entrèrent ausi en leurs nez aprèz le roy ; et furent ainsi tout le jour et toute la nuit jusques au merquedi matin que les voiles furent levez. Lors siglerent parmi la mer ce jour et l'endemain, et orent bon vent jusques au vendredi entour mienuit que i vent esmut si la mer que granz floz et granz estorbeillons demenoient leurs nez ça et là. En la mer du Lyon avint ceste tempeste, qui est pour ce ainsi nommée que elle est cruieuse et aspre touz jors et plaine de flos. Pour la cruiauté du vent et des flos, se départirent les nez l'une de l'autre, qui jusques alors avoient esté assez prochaines, mes non pas si loing que il ne s'entrepeussent veoir. Quant il orent trespassé la mer du Lyon a grant péril, le samedi matin ^ il trouvèrent la
