juillet

mer plus debonaire, par quoi aucuns qui avoient moult de doleurs soustenuz, furent assez tost rassouagiez.

Ce jour et le diemenche emprèz siglerent moult en pais ; mes quant ce vint à la mienuit, une oscurtez et unes horribletez, et uns vens si granz esmurent si la mer que le tourment fu greigneur que il n'avoit esté en la mer au Lyon^ furent plus grevez à ceste foiz que il ne furent à l'autre. L'endemain par matin, fist li rois chanter un messes sanz sacrer, pour la tempeste : une de Nostre Dame, des Angres, du Saint Esperit et des mors. Mes poi en i out qui se peussent soustenir, quant l'en les chantoit, sus les piez. Entour l'eure de tierce, la mer s'apaisa, et cessèrent les doleurs que il avoient eues, et puis alerent mengier. Mes avant que il se fussent levez de leurs tables, autre doleur vint, quar leurs yaues douces que il avoient en leurs nez puoient et estoient si corrompues que elles ne pooient estre beues devant que elles eussent esté moult esventées, dont moult de gent et de chevaus morurent es nez par la corruption de l'iaue, si comme l'en dit.

Celle journée meismes, vers soleil couchant, il furent moult esbahiz et esmerveilliez pour ce que il leur sambloit que il metoient trop longuement à arriver au port de Chastiau-Castre en Sardainne où les barons de ce pèlerinage dévoient arriver et attendre l'un l'autre. Pour ceste chose, furent les maistres des nez mandez devant le roy ^ qui leur demanda et mist à raison combien d'espace il avoit du lieu où il estoient jusques au port de Chastiau- Castre. Li marinier respondirent au roy sus parole doubtable, et distrent que il creoient que il fussent prèz de

1. En note : « Ne ne faut point à doubter que ceste seconde tempeste fist plus de grief à noz gens que la première, pour ce que noz gens estoient ja moult las de la painne que la première tempeste leur avoit faicte, pourquoy il... »