Cf. Grandes Chroniques, t. VII, p. 265, chap. cvi

terre, et moult se merveilloient que il tardoient tant que il ne la veoient. Lors firent aporter le papemonde devant le roy, et li monstrerent le siège du port de Chastiau- Castre, et combien il estoient prèz du rivage. Ne demora guères aprèz que Phelippes, li ainnez fil le roy qui estoit en autel doubte, envoia à son père i chevalier en une galée pour avertir le de ceste chose que il li estoit avis que les maistres mariniers sigloient en doubtance, pourquoi les maistres, derechief, furent apelez à conseil. Endementres, grant murmure et grant souspeçon murent contre euls, que chascun disoit que le vent que il avoient eu emprèz ce que il se départirent du port de Aigue-Morte, estoit souffisant et convenable en mener les nez en iiii jours au port de Chastiau-Castre. L'en disoit encores que une des galies que le fil Guillaume Bonebel gouvernoit, qui estoit maistres de la nef le roy, par la force de la tempeste desusdite, s'estoit partie des autres nez et estoit alée, si comme l'en cuidoit vers la terre de Barbarie. Et pour ce, fu lors si grant souspeçon contre les mariniers ; mes ce fu à tort, si comme il aparut aprèz.

Comment li rois Looys et les barons de France (^indrent à grant paine au port de Chastiau-Castre.

^Li rois Looys et les mariniers s'acorderent en la parfin que l'en laissast celle nuit floter les nez, mes que ce fust au plus loing de celle partie où l'en cuidoit que terre estoit plus prochaine pour ce que elles ne hurtassent aus roches ou à aucune chose qui les damachast. Quant ce vint au matin, la terre apparut ; mes le port estoit encores loing plus de Lx milles, si comme l'en disoit, et dura li vens et la turbation de la mer jusques à l'eure de tierce. Vers