Le 15 juillet
à terre, et manda au roy ce que il avoit fet et que il li envoiast aide. Quant li rois oï ces nouveles, si fu un poi troublez et dist que il n'avoit pas envoie l'amirail à ce que il preist terre, mes que il encerchast qui seroit plus pourfitable chose à prendre le port, et puis le feist asavoir au roy et aus barons. Tantost li rois fist apeler touz les barons qui estoient plus prochains de li, et leur demanda conseil sus ceste chose. Aucuns se descorderent et distrent puisque terre avoit esté prise sans empeechement, que l'en tenist le port qui estoit si renommez et qui faisoit toute l'entrée de la région d'Aufrique. En la parfin fu ainsi ordené que il envoieroient frère Phelippe de Glés et le maistre des arbalestiers pour faire ce que il verroient qui seroit meilleur à faire, ou il ramenassent l'amirail, ou il envoiassent par sergans, et feissent issir toute nuit des nez ; liquel i alerent et retournèrent avec l'amirail. Pour laquele chose moult de gent murmurèrent et distrent ; puisque terre avoit esté prise de l'amirail si legierement, il estoit bone chose que l'en se gardast des assaus et des aguez aus Sarrazins ; pourquoi il attendirent en leurs nez toute nuit jusques au matin.
L'endemain par matin, moult de Sarrazins s'assamblerent entour le port, à cheval et à pié, pour laquele chose li rois out conseil que il preist tantost terre et que il ississent des nez touz armez selonc ce que il porroient avoir galées et barges. Tantost s'assamblerent pluseurs entour la nef le roy et se ferirent ou port a toute sa galée qui aloit i poi devant les autres, et pridrent terre sans contredit en ce lieu meismes où li amiraus avoit fait. Les Sarrazins qui furent espoentez se retraistrent arriers ausi comme en l'angle d'une petite isle, ne n'osèrent venir avant ^. Quant ce virent li Françoiz, si tendirent leurs
1. En note : « Pour l'est des François que moult doubterent. »
herberges ausi comme en une ysle d'une Hue de lonc, dont l'en issoit par les ii bous, et avoit bien de Je m traiz d'arbaleste ; mes point d'yaue douce n'i porent trouver, et ainsi leur fu poi miex en terre que en mer. Toutes voies les garçons de l'ost alerent jusques au bout de l'isle et trouvèrent yaue douce ; mes si comme il la traioient, aucuns d'euls furent occis des Sarrazins qui les guaitoient. Le jour que Françoiz issirent des nez estoit vendrediz^ pour prendre terre, et fu célébrée celle journée la feste saint Arnoul. Au samedi aprèz, alerent aucuns jusques à une tour qui siet au bout de celle ysle que il avoient prise, et occidrent en partie et chacierent Sarrazins qui illuec les guetoient. Mes autres Sarrazins seurvindrent qui les enclostrent de toutes pars et les firent fouir en la tour, et les tindrent illuec enclos jusques à l'endemain, et les eussent ars dedenz, se li rois Looys ne leur eust envoie aide. Li rois leur envoia les mareschaus de l'ost et le maistre des arbalestiers, et les eussent sivis moult d'autres Françoiz, se leurs chevaus ne fussent encores es nez, et mesmement cil qui estoient tret hors^ dez nez, chanceloient si fort pour la force de la mer que il avoient soufferte, que il ne se pooient soustenir sus leurs piez. Entour la tour fu la bataille grant ; mes au derrenier s'enfouirent les Sarrazins et perdirent pluseurs de leurs chevaus ^ ; et les Françoiz descendirent de la tour et retournèrent avecques les autres en l'ost. Ce jour meismes li rois Looys out conseil que il ississent du lieu où il avoient tendu leurs herberges, pour ce que il ne pooient illuec trouver, se pou non, d'yaues douces, qui estoit grant grevement à l'ost. L'endemain, Françoiz issirent à batailles ordenées vers le chastel de Carthage, et fu prise, si comme il aloient là, la tour que nous avons dite devant, et la tindrent tant
