En note : « Et pluseurs de leurs jumens

comme il furent au siège de Tunes. En une valée desous Carthage tendirent leurs paveillons dont il pooient avoir accèz au port et aus nez, et estoient en celle valée tout plain de puis, quar chascun Sarrazin qui avoit illuec terre, y avoit fait puis pour sa terre arouser.

Comment li chastiaus de Cartage fu pris.

^Quant li rois et les barons de FrancQ orent tendu leurs herberges desous Cartage, les mariniers vindrent au roy et li distrent et li promistrent que il li rendroient le chastel de Carthage assez tost pris, se il leur voloit baillier des arbalestiers en aide. A ce leur respondi li rois et dist que il s'apareillassent avant, et leurs eschieles et leurs engins, et aprcz ce, il leur bauroit gent à cheval et arbalestiers en aide. Le jeusdi aprèz^, li marinier repairierent au roy et distrent que il estoient appareilliez à assaillir le chastel, ausquiex li rois fist baillier v' arbalestiers à pié et à cheval, et un batailles de chevaliers d'estrange nation. Aprèz ce, li rois et les barons issirent de leurs herberges a batailles ordenées contre les Sarrazins qui venoient vers eus a tropiaus appareilliez ausi comme pour combatre, et se mistrent en tele manière que ceuz ne porent secourre ceuz du chastel ne avoir accès à leurs herberges. Endementres, li marinier montèrent sus les murs par leurs eschieles et pridrent le chastel, ne ne perdirent que i des leur qui fu occiz, et fichierent leurs banieres desus les murs. Quant li rois et les barons virent ce, si coururent tantost là, et occidrent quanque il encontrerent de Sarrazins ^. Mes moult en i out qui se ferirent es cavernes, et