juillet

3. En note : « Et n'espargnierent ne vieil ne jeune, ne femme ne enfans. »

furent illuec estains par la fumée de feu que l'en i bouta et en i out bien ce d'oceiz. Pluseurs toutes voies en eschaperent qui enmenerent leurs bestes, et les virent bien Françoiz, mes il ne se murent, quar il estoit deffendu que nulz ne se meist hors de s'eschiele, [se ce n'estoit de pure neccessité et de commun accort que elle se remuast] ^ toute, et se il le faisoit, nulz de la seue ne d'autre ne le secourroit. Quant li chastiaus de Carthage fu ainsi priz, li rois Loys y envoia pour garder le chastel chevaliers et arbalestiers, et gent à pié grant plenté, et commanda que le chastel fust netoié des charoignes, si que l'en i peust recevoir les famés et les malades, et ceuz qui seroient navrez en bataille. Dedenz le chastel et entour les murs l'en trouva moult d'orge en cavernes ; mes autres choses i furent petit trouvées.

Et pour ce que nous avons fait mention pluseurs foiz du chastiau de Carthage, nous volons desclairier la grant noblece et la grant hautece et grant auctorité de ce chastel, briement à ceuz qui ne le sevent. Carthage, qui est maintenant ramenée en la semblance d'un petit chastel, fu ancianement une noble cité que la roine Dido fonda, si comme les ancianes hystoires le racontent. Et estoit la roial cité et la maistresse de toute la terre d'Auffrique ; et fu de si grant puissance que li citoien de celle cité vainquirent maintes foiz les Romains par leur force. En la par fin avint que les Romains la conquirent ; mes ce ne fu pas sanz grant travail, quar il i mistrent xl anz, et i out assez espandu de leur sanc ; et plus le pridrent par cautele que par armes.

^Le vendredi^ emprèz que le chastel fu priz, les Sarra-

1. La phrase entre crochets fut mise en note en place de « s'elle ne couroit » que l'on barra dans le texte.