juillet

zins qui avoient devant couru vers Françoiz, se retraistrent arriers entour vespres, et fu par aventure pour ce que il voloient garder leur sabbat. Mes le jour emprèz, il vindrent si aigrement et si ataineusement que il faisoient nos genz crier aus armes quant il dévoient mengier. Celle journée meismes vindrent au roy Looys des parties aus Sarrazins, ii chevaliers de Casteloigne et se sousmistrent n lui, et li distrent que le roy de Tunes avoit fait prendre touz les chrestiens soudoiers qui estoient en son ost, et disoit que il feroit à touz les testes coper, se l'ost des chrestienz passoit jusques à Tunes ; et se il n'i aloient, il les deliverroit touz.

Comment mesire Jehan d'Acre, bouteillier de France qui faisait le guet fu deceus d'aucuns Sarrazins qui requéraient le baptesme.

^Un jour que le conte d'Eu, Auphons et mesire Jehan d'Acre son frère bouteillier de France faisoient le guet de nuis, avint que m chevaliers sarrazins vindrent au bouteillier, et li requistrent que il fussent chrestiens ; et en signe de loiauté leur mistrent leurs mains seur leurs chiez, et baisoient les mainz de nos genz en signe de subjection, et se rendirent au bouteillier. Li bouteilliers les fist mener en son paveillon et ala tantost au roi Looys et li dist ce que li Sarrazin avoient fait, les quiex li rois commanda à garder bien diligaument. Aprèz ce, quant li bouteilliers fu retornez à son guet, cent autres Sarrazins geterent jus leurs lances et firent autel signe comme les autres m avoient fait, et vindrent au bouteillier et li requistrent le baptesme a grant instance. Et ainsi comme li bouteilliers et sa gent entendoient à ce que les Sarrazins disoient,