Cf. Grandes Chroniques, t. VII, p. 274, chap. cxiii
tout plain d'autres Sarrazins s'esmurent touz ensamble, les lances levées et se ferirent sus le bouteillier et sa gent, si que il les firent fuir et crier aus armes, aus armes. Tantost li oz des chrestiens s'estourmi et crièrent aus armes. Mes avant que il fussent appareilliez, li Sarrazin occidrent Lx chrestiens à pié et puis s'enfouirent. Ja out grant traïson de Sarrazins, et greigneur simplece de chrestiens ; mes tout fu mis sus le bouteillier, et par aventure ce fu à tort, quar comme il tenist m granz Sarrazins en sa tente qui requeroient le baptesme, il cuidoit par euls les autres traire à la foi chrestiane. Mes en ce, par aventure il fait à reprendre, quar il deust avoir esté plus sages encontre les aguès de ses anemis.
Aprèz ce, li bouteilliers retoiarna en son paveillon et reprist moult cruieusement les m Sarrazins que il tenoit de traïson et de tricherie ; desquiex li uns qui sambloit estre greigneur maistre que les autres, se commença à escuser et à plorer. Ce que li Sarrazins disoit fist le bouteillier espondre par i frère preecheur qui savoit bien parler la langue sarrazine. Et lors li dist le bouteillier que il ne se doutast pas, quar puis que il estoit venuz sus fiance aus chrestiens, il trouveroit foi en euls, et seust-il bien que li rois Looys estoit de si grant foi, que sa simple promesse, il ne l'avoit en nulle manière trespassée. Lors respondi li Sarrazins et dist : « Sire, je sai bien que vous m'avez souspeçonneus de ce fait, ja soit ce que je n'i aie coulpe ; mes sachiez que ce a tout fait i mien envieus pour moi grever. Nous sommes ii grans soudoiers paraus sous le roy de Tunes, et avons chascun desous nous n^ et v*^ chevaliers, et mes compains qui de pieça me het, set bien que vous me tenez, ja soit ce que je soie venus à vous de mon gré ; et pour ce, fîst-il faire et procura ceste bataille pour moi nuire, et si sai bien que nulz de mes chevaliers ne fu en ceste bataille pour vous nuire, ne ne
VOUS fist onques mal, et que vous puissiez prouver par ouvre ce que je vous di par bouche. Laissiez aler un de mes compaignons jusques à mes gens, et se il ne vous amaine plus de u^ Sarrazins qui vous amenront vitaille à vendre et vous seront en aide, que vous faciez de moi ausi comme de traiteur desloial. » Toutes ces choses dites, il enferma i poi à croire le bouteillier de ce que il disoit. Et pour ce, li bouteilliers vint au roy Looys et li dist ce que li Sarrazins avoit raconté. Mes li rois qui ne vont pas croire à leurs paroles, commanda que l'en les laissast aler aus autres Sarrazins. Lors tantost li bouteilliers et li connestables les menèrent et conduiront hors de l'ost ; de quoi moult de gent murmurèrent ; et li maistres des m Sarrazins dist que il revendroit l'endemain et acompliroit ce que il avoit promis ; laquele chose il fist et acompli, et fu moult liéement receuz des autres Sarrazins qui cuidoient que il et ses compaignons fussent occis des chrestiens.
Des fosses qui furent faites entour Vost, et des enfermetez le roy Looys et ses enfans.
^Aprèz ces choses, li rois Looys out conseil que il feist faire fosses entour l'ost, pour les assaus des Sarrazins qui trop grevoient les chrestiens par ce que il les assailloient souventes foiz à ce que il ne s'en prenoient garde. Li rois et les barons atendoient de jour en jour le roy de Sezile qui avoit mandé que il vendroit prochainement ; et encores y avoit envoie li rois Looys messages pour li haster, et li avoit mandé que il ne voloit assaillir ne combatre aus Sarrazins jusques atant que il fust venus. Endementres l'en mist ouvriers pour faire les fosses, et fu envoiez avec
