Cf. Grandes Chroniques, t. VII, p. 275, chap. cxiv

euls frère Amauriz de la Roche ^, pour pourveoir où elles seroient faites plus pourfitablement, et pour ce que il gardast et defïendist les ouvriers avec ceuz qui feroient le guet.

Si comme les ouvriers furent mis en euvre, les Sarrazins qui bien s'en aperçurent, vindrent a si grant nombre et a si grant plenté, qu'à paines les peussiez esmer, et se commencierent à forsener plus aigrement que il n'avoient onques mes fait. L'en disoit que li rois de Tunes estoit là venus à batailles ordenées ; et pour ce meesmement que le jour devant il avoit mandé par aucuns de ses Sarrazins que il vendroit l'endemain touz appareilliez pour combatre, que les chevaliers chrestiens tenoient pour frivoles. Mes lors il ne dut pas estre tenu pour frivoles mes pour chose vraie, quar les Sarrazins chevauchoient à batailles ordenées vers noz gens et s'estendoient ja jusques à la mer et à bien prèz du rivage où les nez de nos gens estoient^, ausi comme se il vosissent nos gens enclorre. Lorsque nos genz virent ce, si crièrent : « Aus armes ! » et s'armèrent hastivement et issirent li rois Looys et les barons touz armez de leurs tentes à batailles ordenées. Li contes Robers d'Artoiz et sa bataille chevaucha par devers la mer, et ala si avant que il peust bien avoir enclos aucuns des Sarrazins, se les autres batailles de noz genz fussent conrées. Mesire Pierres li Chamberlens et frère Amauri de la Roche qui^ chevauchoient eus trentiesmes vers le rivage de la mer virent aucuns Sarrazins qui trop venoient avant vers le rivage, et pour ce, il poindrent en-

1. Frère Amauri de la Roche était commandeur des Templiers en France (Lenain de Tillemont, Vie de saint Louis, t. V, p. 54, 158, 301).

2. En note : « garnies de vitaille et d'autres garnisons neccessaires ».