En note : « pour le jour faisoient le gueit

contre euls, savoir mon se il les peussent enclorre entre eus et la bataille le conte d'Artoiz. Mes quant les Sarrazins virent ce, il s'enfouirent, lesques nos gens ensivirent, et en occidrent xiii, et retindrent leurs chevaus. Illuecques fu occiz uns nobles chevaliers de nos gens, Jehans de Roselieres et li chastelains de Biauquere sergant d'armes le roy Looys ; mes li chevaliers fu portez navrez aus tentes, et out les sacremenz de sainte Eglise avant que il morust. Quant li rois Looys vit que les Sarrazins se retraioient, il fist ausi arriéres traire son ost aus tentes, quar il n'out pas conseil de courre seur eus jusques atant que ses frères li rois de Sezile fust venuz, qui devoit venir prochainement. L'endemain aprèz, poi ou noiant furent veus les Sarrazins, pour ce par aventure que il celetroient leur sabbat ou que il avoient autre chose à faire. Le mardi emprèz ensuivant^, Oliviers de Termes, i nobles chevaliers vint en l'ost des parties d'outre mer et dénonça au rov Looys que ses frères li rois de Sezile estoit touz appareilliez entrez en la mer, de quoi l'en fist grant joie et reçut l'en lieement et honorablement Olivier.

Ausl comme touz les jours, quant en attendant le roy de Sezile, venoient les Sarrazins paleter à nos gens, et lors avint que le conte de Nevers, Jehanz dit Tritanz fdz le roy Looys chai en grant enfermeté, pour laquele il fu portez à sa nef et morut le jour de l'Invention saint Estiene ^ ; duquel li cors fu appareilliez et cuis, et les oz mis et gardez en I escrin pour ensevelir en l'église de Saint Denys en France, où il avoit esleu sa sépulture. Le jour du jeusdi emprèz^, morut li legaz de Rome ; mes- il avoit fait ainçoiz I souz de légat d'un frère preecheur, ja soit ce que moult de genz * deissent et doubtassent que il ne le peust