Cf. Grandes Chroniques, t. Vil, p. 75, chap. xxii

22 LES GKANDES CHRONIQUES.

des mauves hérites d'Audigoiz. Maintenant qu'il i fu, si tourna à un chastel que l'en nomme Montroial et l'assist par force. Perrieres et engins de diverses manières fist drecier, et tormenta si ceuz dedenz, qu'en poi de temps prist le chastel par sa force, et le fist garnir d'armes, de genz et de vitaille. Aprèz il vint à autres chastiaus du pais et les prist par force et souzmist au roy de France son seigneur, non pas sanz grant paine et sanz grant travail de lui et de sa gent. Puis il ala et chevaucha hardiement parmi la terre des Audigoiz et la sousmist toute en poi de temps, dont vraiement l'en puet bien dire de lui : « Jehans défoule la terre en fremisseur^ et esbahit la gent par sa forsenerie. » Quant il out ainsi vaincu les Audigoiz et sousmis au roiaume de France, il retourna et vint a grant honeur et a grant leece au roy Looys son seigneur. Li rois fu moult liez quant il vit et sout que Jehans avoit eu victoire des Audigoiz. Si rendi granz grâces à Nostre Seigneur et reçut a grant joie Jehan et sa gent et leur dona dons, et acrut le fié Jehan et sa terre , si comme il afferoit à tel chevalier.

Incidence. Ci aprèz ensuivant, parole comment pluseurs des barons de France alerent outre mer.

^En l'année et ou temps derrenier nommé, Thiebaut conte de Champaigne, qui de nouvel avoit esté coronez en roy de Navarre aprèz la mort son oncle qui fu rois de Navarre et morut sanz hoir, Pierres Mauclers cuens de Bretaigne, le conte de Bar Henri, le conte de Montfort Amauri, et bien prèz toute la noblece des barons et des chevaliers du royaume de France qui estoient croisiez