Cf. Grandes Chroniques, t. VII, p. 77, chap. xxiii

bien un anz devant passez, murent et alerent outre mer pour délivrer la sainte terre de Jérusalem des mains des Sarrasins.

Quant il furent outre passez, le conte de Bretaigne et aucuns qui s'aherdoient à lui se départirent de l'ost sanz le conseil du commun et du roy de Navarre qu'il avoient establi maistre et chievetain de l'ost, et alerent et pridrent une ville où il avoient devant envoie leurs espies. Amaurri le conte de Monfort, Henri le conte de Bar, Richart de Chaumont, Ansiaus sire de Lisle et pluseurs autres renommez chevaliers, quant il sorent le fait au conte de Bretaigne et la prospérité que il et li sien avoient eue, si furent moult envieus d'autel faire et si appareillierent sanz le conseil du roy et du commun. Il chevauchierent quant il furent appareilliez parmi la terre et alerent tant toute une nuit entière que il vindrent au matin prèz de la cité de Gaze, en i lieu sablonneus. Cil de la cité de Gaze avoient envoie espies qui avoient senti et aperceu que les contes venoient et erroient par nuit ; si s'armèrent tost et isnelement et coururent sus à nos genz qui estoient lassez et traveilliez de cheminer l'anuitié, et les occidrent et pridrent touz. En icelle bataille, le conte de Bar, qui preuz estoit as armes fu ou mors ou pris ; onques puis ne pout estre trouvez. Le conte de Montfort et pluseurs autres chevaliers furent menez en prison ; ce ne fu pas merveille se Nostre Sires les soulîri à vaincre, quar plus entendoient au vain los de chevalerie, si comme encores font aucuns chevaliers, que il ne faisoient à faire le pourfit de la sainte terre pour quoi il estoient venuz, et pour ce que il n'orent pas bon mémoire ne sens quant il despisierent le commun conseil par le droit jugement Nostre Seigneur ^, il périrent par leur folie ^.

1. En note : « pour ce que privez estoient de toute sapience ».

2, En note : « et impacience ».

En ce temps vint le conte Richart de Cornouaille, frère le roy d'Engleterre en l'ost des Chrestiens pour secourra la terre ; mes quant il oï et vit que l'est des pèlerins du roiaume de France estoit desconfîte pour la prise des barons et que il s'en voloient retorner, il out pitié de la sainte terre et fist et pourchaça vers les Sarrazins que les prisonniers et les chaitiz furent délivrez et que communes trêves furent entre les Chrestiens et les Sarrazins. Aprèz ce, procura que l'ost des pèlerins eust seur conduit d'aler jusques à la sainte cité de Jérusalem pour visiter le temple et le saint sépulcre Nostre Seigneur Jhesu-Crist. En iceste manière, et en ce temps furent ou pou ou noiant les barons de France en la terre d'outre-mer. Li cuens Amaurriz de Montfort qui fu délivrez de prison, s'en retorna par Rome pour visiter les sains Apostres saint Père et saint Pol ; mes illuec acoucha malades et morut, et fu enterrez en l'église des Apostres moult honorablement.

^Ou temps desus nommé, mut grant dissencion entre l'église de Rome et l'empereeur Frédéric. Li empereres estoit contraires à l'église de quant qu'il pooit et li faisoit de lonc temps soufrir moult de persecueions sanz cause et sanz raison, et dura longuement cest estrif ; mes plus aigrement que il ne soloit, traveilloit l'Eglise en ce temps. Quant ce vit papes Gregoires li IX, si l'escommunia et envoia i blanc moine. Jaque evesque de Preneste, legat de par l'église de Rome en France, pour ce que il publiast l'escommuniement de l'empereeur par toute France. L'escommuniement publie, et li legaz vit que li empereres perseveroit en son malice et qu'il prisa poi l'escommuniement. Si assambla grant plenté d'archevesques, d'evesques, d'abbez et d'autres prelaz en la cité de Miaus pour avoir conseil sur ceste besoigne. Quant il out oï leur conseil, si comnianda à aucuns d'euls, en vertu d'obédience, de par