Li rains, le rameau

gilité, par ce qu'il crut le conseil des preudes homes et des sages. Dont il avint que si tost comme il commença à gouverner son roiaume que par la sapience qui de Dieu li fu espirée et donnée, il fist querre et eslire conseilliers et assessors et maistres sus les besoignes du roiaume touz ceuz qu'il sout qui resplendissoient de loiauté de vie, de sapience et de droiture ausi lais comme clers. Et l'esmouvoit moult à ce faire, qu'il avoit trouvé d'un emperere de Rome escript qui disoit que mains griez chose estoit à un empire et en un roiaume se le prince estoit mauvais que se les conseilliers le fussent ; quar plus legierement traient pluseurs i à leur cordele que i pluseurs.

^En cel an meismes que il fu coronez, Hues li cuens de La Marche, et Thiebaus cuens de Champaigne et Pierres dit Mauclers, qui cuens fu de Bretaigne, firent conspiration contre lui et s'alièrent ensamble ; dont il avint que le conte de Bretaigne, par le consentement le conte de Champaigne qui partis s'estoit sans congié du roy Looys, le père cesti Looys, dont nous avons traitié, ou temps que il assist Avignon, fist garnir i chastel que l'en apele Saint- Jaque de Beveron, avec un autre qui est nommez Belesme, que li rois Looys li avoit baillié en garde. Quant li rois aperçut l'aliance des m barons qui pesme estoit et fausse contre lui et contre Testât de son roiaume, si jura en secré et afferma et dist que il se defïendroit, se Diex li donnoit force, de touz ses anemis. Lors out conseil à ses barons et assambla grant ost et le mena contre euls jusques à la Charriere de Curtoi. Avec le roy fu i cardinaus de l'église de Rome, qui en ce temps estoit legaz en France, Phelippes cuens de Bouloigne oncles le roi et Robers, cuens de Dreues, frères le conte de Bretaigne.

Quant le conte de Champaigne vit l'ost le roy qui si granz estoit qu'à paines le peust l'en nombrer, si se doubta