Cf. Grandes Chroniques, t. VII, p. 80, chap. xxiv

l'Apostoile, que toutes choses laissiées, que il venissent avecques lui à Ronie^. Il leur promist, et afferma à ceuz qui avecques lui iroient, que à Nice la cité, leur bauroit navie preste et appareillié pour ce qu'il peussent aler plus seurement par mer que par terre, quar li empereres faisoit garder touz les pas ^. Mes quant li empereres cognut que le pape le beoit à condempner par les prelas de France, si comme il cuidoit, il manda par lettres au roy Looys de France, que il denioit à toutes persones de sainte Eglise du roiaume de France et à touz ceuz que li cardinaus beoit à mener avecques lui à Rome, trespassement, fust par mer, fust par terre. Aprèz ce, il commanda à garder par ses genz si estroitement par nuit et par jour les passages de la mer et de la terre, que nulz ne pooit aler ne passer à Rome sanz son commandement. Ces nouvelles oies, pour ce ne laissierent pas les prelaz de France à aler avant avec le légat ; ainçoiz alerent tant que il vindrent à Nice^. Grant pièce de temps mistrent à là aler, et grant travail soufrirent et assez despendirent ainçoiz que il i venissent. Mes quant il virent que pou avoient de nez et de galées et de force de gent qui les peussent garder et defîendre de la gent l'empereeur, si se doutèrent forment d'entrer en mer ; dont il avint que li archevesques de Tours et celi de Boourges, et l'evesque de Chartres et moult de procureurs qui avec euls estoient, pour la doutance du péril, retornerent arriéres. Les autres qui retindrent la parole que l'en dist en l'Evangile : « Ne doubtes pas ceuz qui le cors occient, et l'âme ne pueent occirre ; mes doubtes celui qui l'âme et le cors puet tuer et geter en

1. En note : « Et que sur paine d'escommeniement, de ce adcomplir point ne demeurassent. »