En note : « par terre, si que nul n'y peust passer

3. En note : « en souffrant mainte dure journée et à grans despens ».

enfer », entrèrent en mer avec le cardinal et s'abandonerent au péril du cors pour le péril de l'âme eschiver.

Lors avint que Mainfroiz, fil Frédéric l'empereeur, qui bastars estoit et gardoit partout la mer jour et nuit, a grant navie plaine de grant plenté de gent, les aperçut passer prèz de la cité de Pyse. Il leur corut sus, li et sa gent tost et cruieusement, et prist par force le légat et les prelaz de France, et les envoia partout, en diverses prisons son père l'empereeur. Les prelas ainsi pris et enchartrez, papes Gregoires morut et trespassa de cest siècle chargié et expressé de toutes pars de moult de tribulations. Aprèz lequel fu Apostoiles C.elestins le tiers ; mes il trespassa de cest siècle dedenz xvii jours aprèz ce que il fu papes ; et demora li sièges aprèz li vagues par xxii mois, et ainsi demorerent les prelas en prison.

^En ce temps meismes, avint que une tempeste chei à Crémone, de grezil merveilleus, ou quel fu trouvé une pierre de grêle qui chei en l'église Saint Gabriel, où il avoit une croiz et l'image de Nostre Seigneur, et escrit de lettres d'or : Jhesus de Nazareth rois des Jiiis. Aprèz, celle pierre fondi d'iaue en yaue, et si comme elle se fondoit, les moines de l'église pridrent de celle yaue et en lavèrent les iex d'un leur frère qui estoit avugles ; liquiex vit tantost.

Comment li roys Looys manda à L'empereeur Frédéric que il li rendist les prelas de France que il tenoit en prison.

^Li roys Looys de France qui piteus fu et devoz vers sainte Eglise, quant il vit et aperçut que tout humain aide failloit à l'église de Rome, si out pitié des prelas de