Cf. Grandes Chroniques, t. VII, p. 83, chap. xxvi
son roiaume que l'empereeur Frédéric tenoit en sa prison. Il envoia tantost l'abbé de Corbie et Gervaise de Seraines, I sien chevalier à l'empereeur et li manda et pria par euls que il delivrast les prelas de son roiaume que il tenoit en Chartres. Frédéric l'emperere, quant il entendi les prières et la requeste le roy Looys, si n'en mist rien à exécution, ainçoiz fist assambler touz les prelas en chartres et les fist envoier en la cité de Naples, et manda au roy Looys par ses messages : « Ne se merveille pas la roial majesté, se César tient estroitement en angoisse ceuz qui pour traire César en angoisse, venoient. »
Quant li rois oï la teneur des lettres l'emperere, il se merveilla moût de ce que il n'avoit riens fait pour ses prières. Si li manda derechief par l'abbé de Clugny, en une lettre, en la manière qui ensuit : « Xostre foi et nostre espérance a tenu fermement jusques ci que nulle matière de noise, ne de plet ne de haine peust jusques à grant temps mouvoir entre nostre roiaume et vostre empire, quar nos decesseurs, qui devant nous ont tenu le royaume de France, ont touz jours amé et honoré la solennel hautece de l'empire de Rome. Et nous, qui aprèz sommes, tenons ferme et estable le propos de noz devanciers. Mes vous, si comme il nous samble, rompes l'amistié et la conjunction de pais et de concorde. Vous tenez nos prelas qui au siège de Rome estoient meus par foi, et par obédience ne refuser ne pooient le commandement le pape, et les feistes prendre en mer ; laquele chose nous portons griement et dolens en sommes. Si sachiez que nous avons entendu par leurs lettres que il ne pensoient à faire chose qui vous fust contraire, ja soit ce que li Apostoiles vousist faire aucunes choses contre vous. Dont quant il n'ont fait chose qui tourne à vostre grief, il apartient à vostre majesté rendre les et délivrer. Si pourveez et metez en balance de droit jugement ce que nous vous mandons et
ne voilliez pas traire lieu^ par puissance ou par vostre volenté, quar li roiaumes de France n'est pas encores si afîuebliz que il se laisse mener à vos espérons. » Quant li empereres entendi les paroles qui estoient contenues es lettres le roy Looys, si li rendi les prelas de son roiaume contre son cuer et sa volenté, pour ce que il le douta à couroucier^.
^L'an de l'Incarnation M CC et XLI, li roys Looys assambla à Saumur grant plenté d'archevesques, d'evesques, d'abbez et de barons de son règne et fist illuec son frère Alfons nouviau chevalier, qui grant pièce devant avoit espousé madame Jehane fille au conte de Thoulouse. A ce mariage donna li rois à son frère Aufons la contée de Poitiers et sa terre d'Auvergne et d' Albigoiz. Illuec fu faite merveilleuse feste et solennel. Les barons et les chevaliers furent en robes de soie et de samit. Nulz ne prisoit argent pour despendre à la feste ^.
Aprèz la feste, avint que li rois requist le conte de la Marche que il feist à son frère Alfons conte de Poitiers homage de la terre que il tenoit en Poitou. Mais li cuens de la Marche qui fu orgueilleus et qui s'apuioit sus i baston de rosel froissié, le roy Henri d'Engleterre, qui mère il avoit à famé, refusa à faire homage et jura que point n'en feroit pour ce qu'il baioit à guerrier le roy. Quant li roys Looys vit que le conte de la Marche out refusé si baudement à faire homage à son frère, si fu moult irez ; mes pour ce que il n'estoiL pas appareilliez à ostoier, il se parti d'iluec par grant desdaing et retorna à Paris.
