Cf. Grandes Chroniques, t. VIT, p. 85, chap. xxvii

4. En note : « Mesmement les prelaz, au mieulz que il povoient, se paroient. »

En ce meismes an, le secont jour de mars, out la roine de France Marguerite une fille qui out non YsabeP.

Comment li roys Loys ala sus le conte de la Marche.

"Li roys Looys qui n'ot pas oublié l'orgueil ne l'arrogance le conte Hue de la Marche, assambla en l'an aprèz, au nouviau temps grant ost de partout son roiaume et entra en la terre le conte de la Marche a si grant multitude de gent à cheval et à pié que toute la terre en estoit couverte^. Il assist premièrement i chastel que l'en nomme Monsteroil en Gastine et le prist en poi de jours par sa force. Puis torna à la tour de Beruge qui estoit fort de murs et de genz bien garnie. Ses très fist fichier et ses paveillons tendre ; ses perrieres fist drecier et moult d'autres engins entour la tour. Mes cil qui furent dedenz se tindrent moult fort et bien se deffendirent et se tindrent longuement et soustindrent longuement les assaus des Françoiz. Quant ce virent les Françoiz, si les assaillirent plus forment et firent tant qu'il conquirent la tour atout grant plenté d'armes et de vitaille dont elle estoit bien garnie. Aprèz ce, li rois Looys se pourpensa que la tour avoit fait moult de maus à ses genz et encore les porroit bien grever ; si la fist toute abatre et raser jusques en terre.

Quant Monsteroil et la tour de Beruge furent ainsi conquis, li roys Looys qui aperçut que Nostres Sires estoit partout avecques lui en soustenant et fermant son roiaume, et puissaument, ala seurement à un autre chas-